Farkennari

Oddný Guðmundsdóttir farkennari

Oddný Guðmundsdóttir fædd 15. febrúar 1908 dó 1985 var farkennari og rithöfundur er frá Hóli á Langanesi. Í þrjátíu ár var hún farkennari við farskóla, þrettán ár (vetur) kenndi hún á Vestfjarðarkjálkanum, fjögur ár kenndi hún á Snæfellsnesi, tvö ár í Borgarfirði og eitt ár í Dalasýslu. Hún kenndi svo í einhvern styttri tíma en skólaárið er, Húnavatnssýslu, Eyjafirði, Tjörnesi, Breiðdalsvík og fleiri stöðum. Árið 1939 kom Oddný heim eftir að hafa stundað nám í Svíþjóð. En á yngri árum hafði hún dvalist við nám og störf á Norðurlöndunum og í Sviss. Oddný Guðmundsdóttir er vel máli farin og framúrskarandi rithöfundur. Hún hefur skrifað nokkrar bækur þar að meðal; Svo skal böl bæta, árið 1943,Veltiár, árið 1947, Tveir júnídagar, árið 1949, og árið 1954 ritaði hún smásögur í blöð og tímarit og sá um þýðingar. Hér var mikill kvenskörungur hún fór allar sínar ferðir á hjóli hvort sem það var fara á milli bæja eða milli landshluta. Þótti henni ekki mikið mál að skreppa norðan frá Langanesi og suður til Reykjavíkur á reiðhjóli sínu. Árið 1978 tók Erlingur Davíðsson viðtal við hana þá var hún sjötug og skráði það viðtal í Aldnir hafa orðið. Þegar hann tekur viðtalið þá tekur hann eftir því þegar þau setjast niður inni í eldhúsi, það er engin kaffikanna, þá segir hún við hann að hún hafi aldrei átt kaffikönnu en þykkir samt góður kaffisopin. Hún hafi heldur ekki átt kalmann og sakni þess ekkert. Í staðin fyrir að segja frá atvikum og ævintýrum af langri ævi sinni þá tekur hún sérstakt mál til meðferðar, sem hún nefnir; Segðu okkur sögu. Þá sögu er hægt að lesa í Aldnir hafa orðið 8. bindi.

Heimildir:

Aldnir hafa orðið. Frásagnir og fróðleikur, Erlingur Davíðsson(1912-1990) skráði Bókaútgáfa Skjaldborg(1979) Alkureyri. s.123-138 í 8.b