„Sisimiut“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Steinninn (spjall | framlög)
m dm
PipepBot (spjall | framlög)
m robot Bæti við: pl:Sisimiut
Lína 31: Lína 31:
[[kl:Sisimiut]]
[[kl:Sisimiut]]
[[nl:Sisimiut]]
[[nl:Sisimiut]]
[[pl:Sisimiut]]
[[simple:Sisimiut]]
[[simple:Sisimiut]]
[[sv:Sisimiut]]
[[sv:Sisimiut]]

Útgáfa síðunnar 25. nóvember 2007 kl. 13:31

66°55′N 53°40′V / 66.917°N 53.667°V / 66.917; -53.667

Rauði liturinn sýnir Sisimiut sveitarfélagið á Grænlandskortinu

Sisimiut, á dönsku Holsteinsborg er næst stærsti bær á Grænlandi með tæplega 5500 íbúa. Bærinn er á vesturströndinni um 100 km norðan við heimskautsbaug. Sisimiut er aðalbyggð í samnefndu sveitarfélagi og er að flatarmáli á við Belgíu. Bæjarstæðið er á allmiklum tanga, eins og flestir bæir á Grænlandi, þvert yfir tangann rís fjallið Nasaasaaq í 784 m hæð.

Sisimiut er nyrsta höfn á Grænlandi sem er siglingarfær á vetrum vegna íslagna.

Elstu fundir um mannlíf í Sisimiut eru frá 2500 f. Kr. og koma frá svo nefndu Saqqaq-fólki. Fundist hafa minjar um flest öll menningartímabil á Grænlandi á svæðinu, Saqqaq, Dorset I og II og einnig Thule-inuíta. Þar að auki má gera ráð fyrir að norrænir menn á miðöldum hafi stundað veiðiskap þar þó svo að engar minjar hafi fundist um það. Í hafinu á Sisimiut hefur alltaf verið mikið af hval, sel og rostungum og þess vegna tilvalið veiðisvæði. Þar eru einnig hreindýr, þó þau hafi aldrei verið jafn algeng og sunnar í landinu. Sauðnaut voru hins vegar flutt inn upp úr 1980 frá Kanada og hafa dafnað vel. Jökulbreiðurnar milli Qaanaaq og Upernavik hindruðu að sauðnautin gætu numið land á vesturströnd landsins án hjálpar.

Götumynd frá Sisimiut 1980

Hvalveiðimenn, aðallega frá Skotlandi og Hollandi, hófu veiðar á hval á Sisimiut-svæðinu í lok 15. aldar. Evrópumenn stunduðu einnig talverða skiptiverslun við Inuíta, í skiptum á perlum, nálum , þræði og ofnum voðum fengu þeir skinn og spik. Árið 1724 gerði Hans Egede tilraun til að setja upp verslunar- og trúboðsstöð í Sisimiut en Hollenskir hvalveiðimenn brenndu staðinn í tvígang þar sem þeir álitu sig hafa einir rétt á hvalveiðum og verslun á svæðinu. Það var ekki fyrr en 1764 sem Dönum tókst að koma sér upp bækistöð sem þeir nefndu Holsteinsborg. Bærinn var miðstöð hvalveiða fram í lok 19. aldar. Uppfrá því tók fiskveiði og fiskverkun við sem aðalatvinnugreinar. Togarar og minni bátar landa rækju, þorsk, lúðu og rauðsprettu.

Sisimiut er syðsti bær á Grænlandi þar sem hundasleðar eru notaðir. Gelt hundanna setur nokkurn blæ á bæinn og þá má sjá um allt. Hundasleðarnir eru notaðir bæði í atvinnuskyni og til skemmtunar.

Tenglar