Borgarstjórn Reykjavíkur

Borgarstjórn Reykjavíkur er lýðræðislegur vettvangur kjörinna fulltrúa íbúa Reykjavíkurborgar. Borgarstjórn ber ábyrgð því að framfylgja þeim málefnum sem ríkið hefur falið sveitarstjórnum.

Borgarstjórn skipar borgarstjóra og skipar í nefndir á sínum vegum sem sjá um daglegan rekstur borgarinnar. Fulltrúar í borgarstjórn kallast borgarfulltrúar og eru fimmtán talsins. Kosið er til borgarstjórnar í almennum kosningum á fjögurra ára fresti, þannig ekki er hægt að kjósa aftur áður en kjörtímabil er liðið líkt og með Alþingi.

Núverandi borgarstjórn

Síðast var kosið til borgarstjórnar í sveitarstjórnarkosningunum 27. maí 2006 og ný borgarstjórn tók til starfa 11. júní 2006. Kosningarnar fóru á þessa leið:

Flokkur	Listi		Atkvæði	%	Menn
Sjálfstæðisflokkurinn	D		27.823	42,1	7
Samfylkingin	S		17.750	26,9	4
Vinstrihreyfingin – grænt framboð	V		8.739	13,2	2
Frjálslyndir og óháðir	F		6.527	9,9	1
Framsóknarflokkurinn	B		4.056	6,1	1

Núverandi skipting borgarfulltrúa í Reykjavík

Eftirfarandi fulltrúar skipa borgarstjórn:

Listi		Athugasemd
B	Björn Ingi Hrafnsson
D	Vilhjálmur Þ. Vilhjálmsson
	Hanna Birna Kristjánsdóttir
	Gísli Marteinn Baldursson
	Kjartan Magnússon
	Júlíus Vífill Ingvarsson
	Þorbjörg Helga Vigfúsdóttir
	Jórunn Frímannsdóttir
F	Margrét K. Sverrisdóttir	Frá 7. feb. 2007 í stað Ólafs F. Magnússonar sem er í leyfi.
S	Dagur B. Eggertsson
	Björk Vilhelmsdóttir
	Oddný Sturludóttir	Frá 1. feb. 2007 í stað Stefáns Jóns Hafsteins sem er leyfi til 1. jan. 2009.
	Sigrún Elsa Smáradóttir	Frá 1. júlí 2007 vegna afsagnar Steinunnar Valdísar Óskarsdóttur.
V	Svandís Svavarsdóttir
	Þorleifur Gunnlaugsson	Frá september 2007 vegna afsagnar Árna Þórs Sigurðssonar.

Frá 11. júní 2006 til 16. október 2007 mynduðu Sjálfstæðisflokkurinn og Framsóknarflokkurinn meirihluta og Vilhjálmur Þ. Vilhjálmsson var borgarstjóri. Frá 16. október 2007 hafa allir flokkar nema Sjálfstæðisflokkur myndað meirihluta með Dag B. Eggertsson sem borgarstjóra.