Myndmengi

Myndmengi eða varpmengi er mengi frálags tiltekins falls og hlutmengi í bakmengi þess. Myndmengi raungilds falls getur verið allur rauntalnaásinn eða hluti hans, t.d. ef fallið f er skilgreint þannig að f(x) = 2x + 1 og formengið er talnabilið [0,1] þá er myndmengi fallsins talnabilið [1,3], en myndmengi fallsins g(x) = 1, hefur aðeins eitt stak, þ.e. töluna 1, þó formengið sé allur rauntalnaásinn.