„Guðný Halldórsdóttir“: Munur á milli breytinga
m fleiri örverpi |
(Enginn munur)
|
Útgáfa síðunnar 17. apríl 2007 kl. 11:22
Guðný Halldórsdóttir (f. 23. janúar 1954) er íslenskur kvikmyndaleikstjóri. Hún lærði kvikmyndagerð við London International Film School og lauk þaðan námi 1981. Hún samdi meðal annars handrit fyrir kvikmynd Þórhildar Þorleifsdóttur, Stella í orlofi, 1986 en hafði áður unnið við gerð kvikmyndanna Punktur punktur komma strik (1980) og Skilaboð til Söndru (1983).
1989 var fyrsta leikna kvikmynd hennar í fullri lengd frumsýnd, Kristnihald undir Jökli, gerð eftir samnefndri skáldsögu föður hennar, Halldórs Laxness. 1992 kom út gamanmyndin Karlakórinn Hekla. Guðný leikstýrði Áramótaskaupinu 1994. 1999 var frumsýnd kvikmyndin Ungfrúin góða og Húsið, byggð á smásögu eftir Laxness. Sú mynd hlaut Edduverðlaunin sem besta kvikmynd þess árs. 2003 gerði hún síðan gamanmyndina Stellu í framboði, framhald kvikmyndarinnar frá 1986.