Veðurstofa Íslands

Veðurstofa Íslands eða Veðurstofan, stofnsett 1. janúar 1920, er opinber stofnun sem annast veðurþjónustu fyrir Ísland. Jafnframt eru þar unnar rannsóknir á sviði veðurfræði og annara fræðigreina er tengjast starfssviði hennar. Veðurstofan gegnir einnig viðvörunarþjónustu vegna veðurs, snjóflóða, jarðskjálfta og hafíss. Starfsemi hennar skiptist í þrjú svið, eðlisfræðisvið, rekstrarsvið og veðursvið. Fyrstu árin var Veðurstofan deild í Löggildingarstofunni en varð sjálfstæð stofnun 1925 þegar Löggildingarstofan var lögð niður. Veðurstofan heyrir undir Umhverfisráðneytið. Veðurstofustjóri er Magnús Jónsson, veðurfræðingur.

Í tilefni af 80 ára afmæli Veðurstofunnar var bókin Saga Veðurstofu Íslands, skrásett af Hilmari Garðarssyni, gefin út af Máli og mynd haustið 2000.

Veðurstofustjórar

• Þorkell Þorkelsson (1876-1961), 1920-1946
• Teresía Guðmundsson (1901-1983), 1946-1963
• Hlynur Sigtryggsson (1921-2005), 1963-1989
• Páll Bergþórsson (1923- ), 1989-1993
• Magnús Jónsson (1948- ), 1994- .

Tenglar

• Veðurstofa Íslands
• Lög um Veðurstofu Íslands
• Reglugerð um starfsemi Veðurstofu Íslands

  Þessi grein er stubbur. Þú getur hjálpað til með því að bæta við greinina.