Munur á milli breytinga „Alex hugdjarfi“

Jump to navigation Jump to search
382 bætum bætt við ,  fyrir 5 mánuðum
ekkert breytingarágrip
 
Árið er 53 f.k. og herferð [[Marcus Licinius Crassus|Markúsar Krassusar]] hershöfðingja [[Rómaveldi|Rómarveldis]] til [[Mesópótamía|Mesópótamíu]] í austri stendur sem hæst. Orrustu um hina fornu borg [[Korsabad]] er lokið með sigri Rómverja og foringi þeirra, Flavíus Marsalla, heldur innreið í borgina. Ungur þræll, Alex, fylgist með af svölum húss, en fyrir slysni hrynur grjót úr svölunum og fellur á Marsalla. Alex er handsamaður og ævareiður Marsalla skipar honum að upplýsa um felustað mikilla auðæfa í höll [[Sargon|Sargons]] [[Assyría|Assýríukonungs]]. Eftir að Marsalla finnur fjársjóðinn í kjallara konungshallarinnar færir sendiboði honum tíðindi af ósigri og dauða Krassusar ræðismanns í [[Orrustan við Carrhae|Orrustunni við Carrhae]]. Örvænting grípur Marsalla og hann fyrirskipar tafarlaust undanhald úr borginni. Rómverjarnir bera eld að höllinni og skilja Alex eftir til að deyja, en örlögin grípa í taumana og honum tekst að flýja brennandi höllina við illan leik. Örþreyttur leggst Alex til hvílu, en er vakinn af hermönnum [[Parþía|Parþa]] sem komnir eru til borgarinnar. Alex nær að sannfæra Súrena, foringja Parþa, um hollustu sína og er leyft að yfirgefa borgina. Alex heldur til fjalla en er tekinn höndum af íbúum í afskekktu þorpi. Höfðingi þorpsins, Góra, vill láta svíða augun úr Alex svo hann geti ekki uppljóstrað um staðsetningu þorpsins, en hinn risavaxni Toraja kemur Alexi til bjargar og saman ná þeir félagar að flýja. Þeir eru síðar handsamaðir af herflokki [[Sarmatar|Sarmata]] sem flytur þá til borgarinnar [[Trebisond]] við strönd [[Svartahaf|Svartahafsins]]. Alex og Toraja eru færðir fyrir fulltrúa hins Rómverska valds sem selur þá í hendur Arbakosi, slóttugum, grískum kaupmanni og svörnum andstæðingi Marsalla sem einnig er kominn til Trebisond ásamt hjálparhellu sinni Markúsi. Arbakos siglir með Alex og Toraja áleiðis til [[Ródos]]. Marsalla og félagar veita eftirför, en verða fyrir árás [[Skýþar|Skýþverskra]] sjóræninga. Alex og Toraja fer að gruna Arbakos um græsku og þegar til Ródos er komið reynir hann að eitra fyrir Toraja. Alex og Toraja forða sér burt, en eru gripnir höndum og færðir fyrir landstjóra Rómverja, Honorus Galla. Landstjórinn er Alex velviljaður og tekur hann með sér til [[Róm|Rómar]]. Í Róm ræðst flokkur grímuklæddra manna á landstjórann í húsi hans og særa hann til ólífis. Á banasænginni segir hann Alex frá því að Alex sé sonur [[Gallar|gallversks]] höfðingja sem landstjórinn seldi í ánauð þegar Alex var á barnsaldri. Nagaður af samviskubiti ákvað landstjórinn því að ættleiða Alex. Alex grunar Marsalla og Markús um að standa á bak við árásina og tekur áskorun um að mæta Markúsi í kappreið á leikvanginum í Róm að bæði [[Júlíus Caesar|Júlíusi Sesar]] og [[Pompeius]] viðstöddum. Alex ber sigur úr býtum, en þegar í ljós kemur að skemmdarverk voru unnin á hestvagni Markúsar lætur Pompeius taka Alex höndum og mælir svo fyrir að Alex og Markús skuli gera upp um málin í skylmingaeinvígi næsta dag. Það sem Alex veit ekki er að skemmdarverkið var að undirlagi Arbakosar, flugumanns Pompeiusar, og liður í að þvinga Marsalla hershöfðingja á band Pompeiusar í valdabaráttu við Sesar. Sesar fær veður af atburðum og sendir flokk manna til að nema Alex og Markús á brott af leikvanginum á meðan einvígi þeirra stendur sem hæst. Arbakos og félagar veita eftirför og ná að klófesta Alex sem er í kjölfarið dæmdur til dauða í sýndarréttarhöldum á vegum Pompeiusar. Á síðustu stundu tekst Toraja og Rúfusi, trúnaðarmanni Sesars, að bjarga Alex frá aftöku á ævintýralegan hátt, en á flóttanum særist Toraja til ólífis. Marsalla og Markús týna sömuleiðis lífi í hildarleiknum sem á eftir fylgir, en Arbakos nær að komast undan og er í kjölfarið sendur af Pompeiusi til Egyptalands þar sem bíða skal frekari fyrirmæla. Sesar fer með herlið sitt til vígstöðva í Gallíu og Alex ákveður að fylgja með og heimsækja ættland sitt í norðri.
 
== Fróðleiksmolar ==
 
Höfundurinn Jaques Martin teiknaði nokkra fyrstu rammana í sögunni án þess að hafa ákveðið nokkum um framhald og sendi útgefanda til kynningar. Þegar sá hafði samband síðar og vildi sjá meira þurfti Martin að halda áfram með söguna. Framvinda sögunnar framan af ber þess og glöggt merki að vera spunnin jafnóðum af fingrum fram.
 
[[Flokkur:Myndasögur]]
Óskráður notandi

Leiðsagnarval