Veðurstofa Íslands

Eyjafjallajökull 2010, kort og teikning frá veðurstofunni

Veðurstofa Íslands eða Veðurstofan (enska: Icelandic Meteorological Office) er opinber stofnun sem annast meðal annars veðurþjónustu fyrir Ísland.

Jafnframt eru þar unnar rannsóknir á sviði veðurfræði og annarra fræðigreina er tengjast starfssviði hennar. Veðurstofan gegnir einnig viðvörunarþjónustu vegna veðurs, snjóflóða, jarðskjálfta, vatnafars og hafíss. Starfsemi hennar skiptist í fjögur svið: eftirlit og spásvið, úrvinnslu og rannsóknasvið, athugana og tæknisvið og rekstrarsvið. Stofnunin heyrir undir umhverfis- og auðlindaráðuneytið.

Saga Veðurstofu Íslands

Hún var stofnsett þann 1. janúar 1920. Veðurstofan var upphaflega deild í Löggildingarstofunni en varð sjálfstæð stofnun 1925 þegar Löggildingarstofan var lögð niður. Starfsemi Veðurstofu Íslands hinnar eldri var sameinuð Vatnamælingum í nýrri stofnun sem tók til starfa 1. janúar 2009.

Í tilefni af 80 ára afmæli Veðurstofunnar var bókin Saga Veðurstofu Íslands, skrásett af Hilmari Garðarssyni, gefin út af Máli og mynd haustið 2000. Í tilefni af 100 ára afmæli Veðurstofunnar var reist 10 metra stytta.

Veðurstofustjórar frá upphafi

• Þorkell Þorkelsson, 1920-1946
• Teresía Guðmundsson, 1946-1963ð
• Hlynur Sigtryggsson, 1963-1989
• Páll Bergþórsson, 1989-1993
• Magnús Jónsson, 1994-2008
• Árni Snorrason, forstjóri frá 2009

Lesefni

• Hilmar Garðarsson: Saga Veðurstofu Íslands (2000)

Tenglar

• Veðurstofa Íslands
• Lög um Veðurstofu Íslands
• Reglugerð um starfsemi Veðurstofu Íslands

Tilvísanir

  Þessi grein er stubbur. Þú getur hjálpað til með því að bæta við greinina.