„Sigurður S. Thoroddsen“: Munur á milli breytinga
Ekkert breytingarágrip Merki: Farsímabreyting Breyting frá farsímaforriti iOS app edit |
Ekkert breytingarágrip Merki: Farsímabreyting Breyting frá farsímaforriti iOS app edit |
||
Lína 8: | Lína 8: | ||
| fæðingarnafn = |
| fæðingarnafn = |
||
| fæðingardagur = {{Fæðingardagur|1902|07|24}} |
| fæðingardagur = {{Fæðingardagur|1902|07|24}} |
||
| fæðingarstaður = [[Bessastaðir|Bessastöðum]] á [[Álftanes|Álftanesi]] |
| fæðingarstaður = á [[Bessastaðir|Bessastöðum]] á [[Álftanes|Álftanesi]] |
||
| dauðadagur = {{Dauðadagur og aldur|1983|07|29|1902|07|24}} |
| dauðadagur = {{Dauðadagur og aldur|1983|07|29|1902|07|24}} |
||
| dauðastaður = [[Reykjavík]] |
| dauðastaður = í [[Reykjavík]] |
||
| orsök_dauða = |
| orsök_dauða = |
||
| virkur = |
| virkur = |
Útgáfa síðunnar 4. maí 2020 kl. 20:38
Sigurður Skúlason Thoroddsen | |
---|---|
Fæddur | 24. júlí 1902 á Bessastöðum á Álftanesi |
Dáinn | 29. júlí 1983 (81 árs) |
Menntun | Polyteknisk Læreanstalt í Kaupmannahöfn. |
Störf | Byggingaverkfræðingur, sem rak eigin verkfræðistofu, VST, sem síðar gekk inn í Verkís. |
Þekktur fyrir | Hönnun vatnsaflsvirkjana og falleg málverk |
Flokkur | Sósíalistaflokkurinn og arftakar hans. |
Maki | 1. Jakobína Margrét Tulinius 2. Ásdís Sveinsdóttir |
Börn | Þrjú með Jakobínu, þar á meðal Dagur og Signý móðir Katrínar Jakobsdóttur. Fjögur með Ásdísi, þar á meðal Ásdís yngri. |
Foreldrar | Skúli Thoroddsen og Theódóra Thoroddsen |
Sigurður S. Thoroddsen (24. júlí 1902 – 29. júlí 1983) var íslenskur verkfræðingur, stjórnmálamaður og knattspyrnumaður.
Ævi og störf
Sigurður fæddist á Bessastöðum á Álftanesi, sonur stjórnmálamannsins Skúla Thoroddsen og skáldkonunnar Theódóru Thoroddsen. Hann lauk stúdentsprófi frá Menntaskólanum í Reykjavík árið 1919 og útskrifaðist sem byggingarverkfræðingur frá Polyteknisk Læreanstalt í Kaupmannahöfn árið 1927.
Fyrstu árin eftir útskrift gegndi hann verkfræðistörfum fyrir ýmsa opinbera aðila og sinnti kennslu. Árið 1931 stofnaði hann eigin verkfræðistofu, fyrstu almennu verkfræðistofuna hér á landi. Verkfræðistofa Sigurðar Thoroddsen kom að fjölda stórframkvæmda, meðal annars á sviði raforkumála og eru Sigurði eignaðar margar af stærstu og metnaðarfyllstu áætlunum á sviði virkjanamála hérlendis, þótt ekki hafi þær allar komið til framkvæmda.
Sigurður var af róttæku fólki kominn og hneigðist snemma til sósíalisma. Hann var kjörinn á Alþingi fyrir Sósíalistaflokkinn árið 1942. Ekki átti þingmennskan þó vel við hann og dró hann sig í hlé eftir eitt kjörtímabil. Systir Sigurðar, Katrín Thoroddsen, sat á þingi sem varamaður um nokkurra vikna skeið árið 1945 og voru þau systkinin því samtíða á þingi.
Á yngri árum lagði Sigurður stund á knattspyrnu og varð nokkrum sinnum Íslandsmeistari með Knattspyrnufélaginu Fram. Meðan á námsdvöl hans í Danmörku stóð, æfði hann um tíma með Akademisk Boldklub, knattspyrnuliði Kaupmannahafnarháskóla.
Sigurður átti fjölda barna í tveimur hjónaböndum, þar á meðal ljóðskáldið Dag Sigurðarson og kvikmyndaleikstjórann Ásdísi Thoroddsen. Hann var afi stjórnmálamannsins Katrínar Jakobsdóttur.
Árið 1982 kom út endurminningabók Sigurðar, Eins og gengur.
Heimildir og ítarefni
- Sigurður Thoroddsen (1984). Eins og gengur. Endurminningar. Mál og menning, Reykjavík.
- Sveinn Þórðarson. „Sigurður Skúlason Thoroddsen“. Frumherjar í verkfræði á Íslandi. Verkfræðingafélag íslands, Reykjavík, 2002: bls. 203-207. .
- Þorsteinn Jónsson (ritstj.). „Sigurður Skúlason Thoroddsen“. Verkfræðingatal 2. bindi. Þjóðsaga, Reykjavík, 1996: bls. 830-831. .