Krímskagi

Krímskagi (bleikur)

Krímskagi er skagi sem teygir sig út í Svartahafið. Samkvæmt manntali frá 2007 búa þar tæplega tvær milljónir manna. Meirihluti þeirra telja sig Rússa og tala rússnesku.

Krímskaginn hefur oftar en einu sinni komist í heimsfréttirnar. Krímstríðið var háð á miðri 19. öld á milli Rússa og Vestrænna bandamanna ásamt Ottóman-Tyrkjum. Á Yalta-ráðstefnunni sem haldin var í Yalta á Krímskaganum undir lok seinni heimsstyrjaldarinnar réðu sigurvegararnir ráðum sínum um skiptingu Evrópu að stríðinu loknu.

Skaginn tilheyrði Úkraínu uns íbúarnir ákváðu að slíta sig frá henni og ganga í sambandsríki Rússlands eftir óeirðirnar í landinu 2014. Í Rússlandi telst hann jafnt sjálfsstjórnarsvæði sem er lýðveldi.

Krímskagakreppan 2014

Sjá aðalgrein Krímskagakreppan 2014

Í febrúar 2014 komu upp eldfimar aðstæður á Krímskaganum í kjölfar óeirða í Úkraínu. Í framhaldi af því hertók rússneski herinn Krímskaga, setti á fót nýja ríkisstjórn skipaða rússneskum bandamönnum og hélt atkvæðagreiðslu meðal Krímverja þar sem kosið var á milli þess að vera áfram hluti af Úkraínu eða að ganga til liðs við rússneska sambandslýðveldið. Opinber niðurstaða hennar voru að afdráttarlaus meirihluti eða yfir 90% kaus að slíta sambandinu við Úkraínu og sameinast Rússlandi. Deilt hefur verið um lögmæti, framkvæmd, kjörsókn og meintar niðurstöður atkvæðagreiðslunnar og meirihluti alþjóðasamfélagsins hefur því ekki viðurkennt innlimun Rússlands á Krímskaga.

Tengill

• Rússarnir komu fyrir aðeins 230 árum: Hver er saga Krímskaga?

Tilvísanir

  Þessi landafræðigrein er stubbur. Þú getur hjálpað til með því að bæta við greinina.