ÖBÍ réttindasamtök

Öryrkjabandalag Íslands (skammstafað ÖBÍ), stofnað árið 1961, er hagsmuna- og mannréttindasamtök fatlaðs fólks. Félagið veitir margvíslega þjónustu í til öryrkja og vinnur að því að efla jafnrétti í samfélaginu fyrir þann hóp fólks. Stofnfélög voru sex en aðildarfélög eru í dag 43. Formaður er Þuríður Harpa Sigurðardóttir, sem kjörin var á aðalfundi 21. október 2017.. Lilja Þorgeirsdóttir er framkvæmdastjóri ÖBÍ. Félagið er til húsa að Sigtúni 42, 105 Reykjavík. Öryrkjabandalagið er aðili að ýmsum alþjóðlegum samtökum fatlaðs fólks, svo sem Handikaporganisasjonenes Nordiska Råd, European Disability Forum og Disabled People International.

Markmið bandalagsins er að íslenskt þjóðfélag verði samfélag jöfnuðar og réttlætis þar sem allir einstaklingar, óháð líkamlegu og andlegu atgervi, njóti mannsæmandi lífskjara og jafnra möguleika til sjálfstæðs lífs og virkrar samfélagslegrar þátttöku.

Hlutverk bandalagsins er að koma fram fyrir hönd fatlaðs fólks gagnvart opinberum aðilum í hverskyns hagsmunamálum svo sem varðandi löggjöf, framkvæmd hennar og í dómsmálum er snerta rétt þess.

Sex málefnahópar starfa á vegum bandalagsins, til þess að fylgja stefnu- og áherslumálum þess eftir: Málefnahópur um aðgengi, málefnahópur um atvinnu- og menntamál, málefnahópur um heilbrigðismál, málefnahópur um kjaramál, málefnahópur um sjálfstætt líf og málefnahópur um málefni barna.

Þjónusta

Boðið er upp á aðstoð við mál sem tengjast almannatryggingum og Tryggingastofnun ríkisins. Ókeypis lögfræðiaðstoð er einnig veitt.

Hússjóður ÖBÍ er sjálfseignarstofnun sem á og rekur u.þ.b. 600 íbúðir fyrir öryrkja. Tekjustofninn er leigan fyrir íbúðunum.

Hringsjá - starfsþjálfun fatlaðra býður náms- og starfsendurhæfingu.

Tímarit ÖBÍ kemur út einu sinni á ári og er dreift til allra heimila.

ÖBÍ á aðild að Íslenskri getspá og Tölvumiðstöð fatlaðra.

Aðildarfélög

ADHD samtökin Alnæmissamtökin Blindrafélagið Blindravinafélag Íslands Daufblindrafélag Íslands FAAS, félag aðstandenda Alzheimersjúklinga Félag heyrnarlausra Félag lesblindra á Íslandi Félag nýrnasjúkra Foreldra- og styrktarfélag heyrnardaufra Geðverndarfélag Íslands Geðhjálp Gigtarfélag Íslands Heyrnarhjálp LAUF - landssamtök áhugafólks um flogaveiki

Málbjörg – félag um stam MG-félag Íslands MND- félag Íslands Parkinsonsamtökin á Íslandi Samtök sykursjúkra SEM, samtök endurhæfðra mænuskaddaðra SÍBS, samband íslenskra berkla-og brjóstholssjúklinga Sjálfsbjörg, landsamband fatlaðra SPOEX, samtök psoriasis og exemsjúklinga Stómasamtök Íslands Styrktarfélag lamaðra og fatlaðra Styrktarfélag vangefinna Tourette-samtökin á Íslandi Umsjónarfélag einhverfra

Heimildir

• Vefur Öryrkjabandalags Íslands, obi.is, skoðað 15. janúar 2019.

Tenglar

• Heimasíða Öryrkjabandalags Íslands