Síðara franska keisaraveldið

Franska keisaraveldið
Empire français

Fáni Frakklands	Skjaldarmerki keisarans
Kjörorð ríkisins: Liberté, égalité, fraternité („Frelsi, jafnrétti, bræðralag“)
Þjóðsöngur	Partant pour la Syrie „Á leið til Sýrlands“
Síðara franska keisaraveldið og nýlendur þess árið 1867.
Opinber tungumál	Franska
Höfuðborg	París
Keisari  -1852–1870	Napóleon III
Stofnun	14. janúar 1852
Upplausn	4. september 1870
Gjaldmiðill	Franskur franki

Síðara franska keisaraveldið (le Second Empire á frönsku) var stjórnarkerfi Frakklands sem varð til þann 2. desember 1852 þegar Louis-Napoléon Bonaparte, forseti Frakklands, framdi valdarán og lýsti sig Napóleon III Frakkakeisara. Ríkið kom í stað annars franska lýðveldisins og veik fyrir þriðja franska lýðveldinu þegar það leið undir lok.

Sögu síðara keisaraveldisins er venjulega skipt í tvennt: Fyrra tímabilið einkenndist af gerræðislegu stjórnarfari Napóleons III og entist frá 1852 til 1860. Á síðara tímabilinu, frá 1860 til 1870, var reynt að gera ríkið að „frjálslyndu keisaraveldi“.

Síðara keisaraveldið leið undir lok þann 4. september 1870 eftir orrustuna við Sedan í fransk-prússneska stríðinu. Þar töpuðu Frakkar gegn Prússum undir stjórn Otto von Bismarck kanslara Prússlands og Napóleon III var handsamaður. Í kjölfarið var lýðveldi stofnað í París sem háði stríðið áfram um stutta hríð.