Sikileyska

Sikileyska sicilianu
Málsvæði	Sikiley Kalabría Kampanía Apúlía
Heimshluti	Suður-Evrópa
Fjöldi málhafa	4,7 milljónir
Ætt	indóevrópsk tungumál  ítalísk tungumál   rómönsk tungumál    Sikileyska
Tungumálakóðar
ISO 639-2	scn
ISO 639-3	scn
ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode.

Sikileyska (sicilianu) er rómanskt mál sem er talað á Sikiley og eyjunum þar í kring á Ítalíu. Það er líka talað í suður- og miðhlutum Kalabríu, í suðurhlutum Apúlíu, Salentó og Kampaníu. UNESCO og Evrópusambandið viðurkenna sikileyksu sem minnihlutamál. Sumir halda því fram að sikileyska sé elst rómverska mála, en flestir málfræðingar eru ekki þeirrar skoðunar. Eins og öll önnur rómversk mál á sikileyska rætur sínar að rekja til latínu.

Meirihluti Sikileyinga talar sikileysku, auk þeirra sem hafa flutt frá Sikiley til annarra landa. Fjölda mælenda er að finna í Bandaríkjunum, Kanada, Ástralíu og Argentínu. Málið er hvergi opinbert, jafnvel á Sikiley og engin málnefnd er til sem kveður á um notkun þess. Hvatt hefur verið til kennslu á sikileysku í öllum skólum á eyjunni en þessar tilraunir hafa náð engum árangri.

Mörg önnur tungumál hafa haft áhrif á sikileysku í gegnum tímann vegna stærðar eyjunnar miðað við önnur eyjur í Miðjarðarhafinu og staðsetningar hennar. Elstu áhrifin má rekja til tíma Indóevrópumanna og merki um þau má ennþá finna í málinu í dag. Gríska, arabíska, normannafranska, katalónska og spænska hafa allar haft áhrif á sikileysku.

Sikileyska hefur nokkur sérstök einkenni sem greina hana að öðrum rómverskum málum, t.d. er fjöldi samhljóða í málinu sem er ekki að finna annars staðar í ætt rómanskra mála. Mörg orð sem byrjuðu á i á latínu hafa misst það í framstöðu orða, en ekki á ítölsku, t.d. mpurtanti (í. importante „mikilvægur“) og ntirissanti (í. interessante „áhugaverður“). Ólíkt í ítölsku er bara ein sögn fyrir „að hafa“ í sikileysku: aviri. Það er líka margir hættir og tíðir sagna sem eru notaðir öðruvísi en á ítölsku.

  Þessi tungumálagrein er stubbur. Þú getur hjálpað til með því að bæta við greinina.