„Vinstrihreyfingin – grænt framboð“: Munur á milli breytinga
Ekkert breytingarágrip |
Ekkert breytingarágrip |
||
Lína 9: | Lína 9: | ||
|stofnár = 1999 |
|stofnár = 1999 |
||
|höfuðstöðvar = [[Suðurgata|Suðurgötu]] 3, 101 [[Reykjavík]] |
|höfuðstöðvar = [[Suðurgata|Suðurgötu]] 3, 101 [[Reykjavík]] |
||
|hugmyndafræði = [[félagshyggja |
|hugmyndafræði = [[félagshyggja]], [[umhverfisstefna]], [[Kvenfrelsisstefna]] |
||
| |
|einkennislitir = Grænn og rauður |
||
|vettvangur1 = Sæti á Alþingi |
|vettvangur1 = Sæti á Alþingi |
||
|sæti1 = 7 |
|sæti1 = 7 |
Útgáfa síðunnar 10. júní 2015 kl. 07:47
Vinstrihreyfingin – grænt framboð | |
---|---|
Fylgi | 10,9% |
Formaður | Katrín Jakobsdóttir |
Varaformaður | Björn Valur Gíslason |
Þingflokksformaður | Svandís Svavarsdóttir |
Framkvæmdastjóri | Daníel Haukur Arnarsson |
Stofnár | 1999 |
Höfuðstöðvar | Suðurgötu 3, 101 Reykjavík |
Stjórnmálaleg hugmyndafræði |
félagshyggja, umhverfisstefna, Kvenfrelsisstefna |
Sæti á Alþingi | |
Sæti í sveitarstjórnum | |
Vefsíða | www.vg.is |
¹Fylgi á síðustu Alþingiskosningum 2007 |
Vinstrihreyfingin – grænt framboð er vinstrisinnaður stjórnmálaflokkur á Íslandi sem var stofnaður þann 6. febrúar 1999. Auk hefðbundinnar félagshyggju og sósíalisma á hann margt sameiginlegt með græningjaflokkum Evrópu í stefnu sinni. Flokkurinn bauð fyrst fram í kosningum til Alþingis árið 1999 og fékk þá 6 menn kjörna en í kosningunum 2003 tapaði hann einum manni og hafði þá 5. Í alþingiskosningunum árið 2007 jókst fylgi flokksins verulega og fékk hann 9 þingmenn. Í alþingiskosningunum árið 2009 voru 14 þingmenn kosinr á þing. Í alþingiskosningunum 2013 fékk flokkurinn 10,9% og 7 þingmenn, sem var betri útkoma en kannanir höfðu gefið til kynna. Stofnanir innan flokksins eru Ung vinstri græn og Eldri vinstri græn. Félagar í VG eru nú um fimm þúsund talsins og er flokkurinn meðlimur Norræna Vinstri-Græna Bandalagsins.
Stjórn
- Formaður: Katrín Jakobsdóttir
- Varaformaður: Björn Valur Gíslason
- Ritari: Sóley Tómasdóttir
- Gjaldkeri: Hildur Traustadóttir
- Svandís Svavarsdóttir
- Arndís Soffía Sigurðardóttir
- Hlynur Hallsson
- Líf Magneudóttir
- Bjarkey Olsen Gunnarsdóttir
- Bjarni Þóroddsson
- Edward Hákon Huijbens
- Framkvæmdastjóri: Daníel Haukur Arnarsson
Varastjórn
Tengd félög
UVG
Ung vinstri græn stofnuðu með sér formlegan samstarfsvettvang haustið 2000. Tilgangur UVG er að tryggja ungu fólki í VG vettvang til málefnaumræðu og mynda inngönguleið fyrir nýja félaga. Á aðalfundi félagsins haustið 2012 var ákveðið að hætt yrði að kjósa formann og kosin stjórn sem skipti með sér verkum. Þóra Geirlaug Bjartmarsdóttir, sitjandi formaður hafði áður tilkynnt að hún myndi ekki bjóða sig fram til endursetu og hún var því síðasti formaður hreyfingarinnar. Fyrri formenn voru: Katrín Jakobsdóttir (2002-2004), Oddur Ástráðsson (2004-2005), Dögg Proppé Hugosdóttir (2005-2006), Auður Lilja Erlingsdóttir (2006-2008), Steinunn Rögnvaldsdóttir (2008-2009), Jan Eric Jessen (2009-2010), Guðrún Axfjörð Elínardóttir (2010-2011) og Snærós Sindradóttir (2011). Virk svæðisfélög eru á höfuðborgarsvæðinu, Akureyri og Borgarbyggð.
EVG
Á haustdögum 2005 var ákveðið í samráði við Steingrím J. Sigfússon, að gera tilraun til að mynda hóp eldri borgara sem væru félagar eða stuðningsmenn Vinstri Grænna. Formaður félagsins er Margrét Margeirsdóttir.
Landsfundir
Landsfundur er æðsta vald flokksins en hann er haldinn á tveggja ára fresti. Á landsfundi er kosið í stjórn flokksins og í flokksráð. Í stjórn flokksins sitja 11 aðalmenn auk fjögurra varamanna og fer þessi hópur með daglega stjórn flokksins í samræmi við lög og samþykktir. Stjórnin hittist mánaðarlega. Flokksráð er æðsta vald milli landsfunda en það mynda aðal- og varamenn í flokksstjórn, þingmenn og varaþingmenn og sveitastjórnarfulltrúar flokksins, formenn kjördæmisráða, formenn svæðisfélaga, formaður ungliðahreyfingar flokksins og 30 fulltrúar sem kosnir eru sérstaklega af landsfundi. Varaformaður flokksstjórnar er jafnframt formaður flokksráðs.
Staða flokksins í dag
Kjörfylgi VG fór úr 21,7% í kosningum 2009 í 10,9%, sem jafngildir tæplega helmings fylgistapi. Á kjörtímabilinu var tekist á innanflokks um ýmis erfið deilumál sem flokkurinn þurfti að taka afstöðu til í ríkisstjórnarsamstarfi með Samfylkingunni (t.a.m. aðildarumsókn að Evrópusambandinu, Icesave og fiskveiði - og stjórnarskrármálin) sögðu fjórir þingmenn flokksins sig úr þingflokknum á kjörtímabilinu 2009-2013 auk Guðfríðar Lilju Grétarsdóttur, sem lét af þingmennsku áramótin 2012-13. Í kosningunum 2013 tapaðist ekki síst fylgi út á landsbyggðinni. Í norðvesturkjördæmi fékk flokkurinn 22,8% í kosningunum 2009 og þrjá þingmenn kjörna, þau Jón Bjarnason, Lilju Rafneyju Magnúsdóttur og Ásmund Einar Daðason. Hvert um sig hefur umtalsvert persónufylgi á bakvið sig í sínum byggðalögum. Árið 2011 gekk Ásmundur Einar til liðs við Framsóknarflokkinn, eftir deilur innan flokksins um Icesave og Evrópusambandsumsóknina. Hann skipaði 2. sætið á lista flokksins í kosningunum 2013. Jón Bjarnason sagði sig úr þingflokki VG í upphafi árs 2013 og leiddi J-lista Regnbogans í kjördæminu í kosningunum 2013. Þrátt fyrir að tilkynnt hafi verið um framboð flokksins skömmu fyrir kosningar fékk J-listinn 4,5% atkvæða í kjördæminu á sama tíma og Framsóknarflokkurinn fékk rúm 35% og fjóra af átta þingmönnum kjördæmisins. VG fékk 8,5% og Lilja Rafney náði kjöri sem jöfnunarmaður. Í norðausturkjördæmi vann VG ákveðinn varnarsigur, fékk tæp 16% og tvo menn kjörna. Í suðurkjördæmi hrundi fylgi flokksins úr 17,1% árið 2009 í 5,9%. Það má að hluta til rekja til úrsagnar Atla Gíslasonar úr flokknum. Í höfuðborginni blasti fylgistap einnig við flokknum. Flokkurinn missti einn mann í hvoru Reykjavíkurkjördæminu og hefur nú þrjá þingmenn í Reykjavík. Ögmundur Jónasson náði kjöri í suðvesturkjördæmi, en þar fékk flokkurinn 7,9% í kosningunum 2013 en hafði 17,4% í kosningunum 2009, þegar tveir menn náðu kjöri.
Eins og staðan er í dag hefur Vinstrihreyfingin - grænt framboð sveitarstjórnarfulltrúa í 14 sveitarfélögum auk þess sem að fjöldi flokksmanna hefur tekið sæti á blönduðum listum sem víða fara með meirihlutavald.
VG er í meirihluta í eftirfarandi sveitarfélögum:
- Hafnarfjörður: Með Samfylkingunni
- Mosfellsbær: Með Sjálfstæðisflokknum
- Borgarbyggð: Með Sjálfstæðisflokknum
- Akranes: Með Samfylkingunni
- Skagafjörður: Með Framsóknarflokknum
- Árborg: Með Samfylkingunni og Framsóknarflokknum
Kjörfylgi
Alþingiskosningar | ||
---|---|---|
Kosningar | Atkvæða | Þingsæti |
1999 | 9,1% | 6 |
2003 | 8,8% | 5 |
2007 | 14,35% | 9 |
2009 | 21,68% | 14 |
2013 | 10,87% | 7 |
Sveitarstjórnarkosningar | ||
---|---|---|
Kosningar | Atkvæða | Fulltrúar |
2002 | 6,7% | 3 |
2006 | 12,8% | 14 |
2010 | 9,6% | 15 |
Þingflokkur
Þingflokkur Vinstrihreyfingarinnar - græns framboðs er skipaður neðangreindum þingmönnum:
Bjarkey Gunnarsdóttir, 9. þingmaður Norðausturkjördæmis
Katrín Jakobsdóttir, 3. þingmaður Reykjavíkurkjördæmis norður
Lilja Rafney Magnúsdóttir, 8. þingmaður Norðvesturkjördæmis
Steingrímur J. Sigfússon, 5. þingmaður Norðausturkjördæmis
Steinunn Þóra Árnadóttir, 8. þingmaður Reykjavíkurkjördæmis norður
Svandís Svavarsdóttir, 5. þingmaður Reykjavíkurkjördæmis suður
Ögmundur Jónasson, 8. þingmaður Suðvesturkjördæmis
Framkvæmdastjóri þingflokks er Finnur Déllsen.
Tengt efni
- Jafnaðarstefna á Íslandi
- Klassísk rit jafnaðarsinna á Íslandi
- Félagshyggja
- Jafnaðarstefna
- Alþýðubandalagið