2010

Ár

2007 2008 2009 – 2010 – 2011 2012 2013

Áratugir

1991-2000 – 2001-2010 – 2011-2020

Aldir

20. öldin – 21. öldin – 22. öldin

Árið 2010 (MMX í rómverskum tölum) var í gregoríanska tímatalinu almennt ár sem byrjar á föstudegi.

Atburðir

Janúar

• 1. janúar - Allir þrír handhafar forsetavalds Íslands eru konur, í fyrsta sinn í sögunni.
  • Jóhanna Sigurðardóttir forsætisráðherra síðan febrúar 2009.
  • Ásta Ragnheiður Jóhannesdóttir forseti Alþingis síðan apríl 2009.
  • Ingibjörg Benediktsdóttir forseti Hæstaréttar 1. janúar 2010.
• 5. janúar - Ólafur Ragnar Grímsson forseti undirritaði ekki lög um ríkisábyrgð vegna Icesave og vísaði þeim í þjóðaratkvæðagreiðslu.
• 12. janúar - Jarðskjálfti lagði mikinn hluta Haítí í rúst. Talið er að um 230.000 manns hafi látist.
• 30. janúar - Kona lést og 7 ára drengur slasaðist er þau féllu í sprungu á Langjökli

Febrúar

• 6. febrúar - Ísafold - Félag ungs fólks gegn ESB aðild er stofnað.
• 12. - 28. febrúar - Vetrarólympíuleikar haldnir í Vancouver í Kanada.
• 27. febrúar - Jarðskjálfti í Chile, 8,8 á Richter; einn öflugasti jarðskjálfti sem mælst hefur. Mikið eignatjón varð og 497 létu lífið.

Mars

• 6. mars - Þjóðaratkvæðagreiðsla haldin um ríkisábyrgð vegna Icesave. Þátttaka var 62%; þar af sögðu rúm 93% nei.
• 20. mars - Eldgos hófst á Fimmvörðuhálsi. Því lauk 13. apríl.

Apríl

• 6. apríl - Karl og kona urðu úti á Emstrum eftir að hafa villst þangað á bíl á leið frá eldgosinu á Fimmvörðuhálsi. Kona sem var með þeim bjargaðist.
• 10. apríl - Flugvél fórst í aðflugi að flugvellinum í Smolensk í Rússlandi. Um borð voru Lech Kaczyński, forseti Póllands, kona hans og fjölmargir háttsettir menn úr pólska hernum. Allir um borð fórust, 96 alls.
• 12. apríl - Skýrsla rannsóknarnefndar Alþingis lögð fram.
• 13. apríl - Jarðskjálfti í vestanverðu Kína, 6,8 á Richter. Yfir 1000 manns fórst í skjálftanum.
• 14. apríl - Eldgos hófst í toppgíg Eyjafjallajökuls. Aska frá gosinu truflaði flugumferð í allri Vestur-Evrópu.
• 17. apríl - Þorgerður Katrín Gunnarsdóttir, varaformaður Sjálfstæðisflokksins, sagði af sér og tók sér hlé frá þingstörfum. Áður höfðu Björgvin G. Sigurðsson, Samfylkingu, og Illugi Gunnarsson, Sjálfstæðisflokki, einnig tekið sér hlé frá þingstörfum vegna upplýsinga sem fram komu í skýrslu rannsóknarnefndar Alþingis.

Maí

• 2. maí - Evrópusambandið og Alþjóðagjaldeyrissjóðurinn samþykkja 110 milljarða evru lán til Grikklands og setja skilyrði um mikinn niðurskurð og aðhald í ríkisfjármálum.
• 29. maí - Sveitarstjórnarkosningar á Íslandi. Mesta athygli vakti árangur Besta flokksins í Reykjavík en hann fékk flest atkvæði allra flokka og 6 borgarfulltrúa kjörna.

Júní

• 11. júní - Heimsmeistarakeppnin í knattspyrnu hófst í Suður-Afríku.
• 15. júní - Nýr meirihluti Besta flokksins og Samfylkingar tók við völdum í borgarstjórn Reykjavíkur og Jón Gnarr var kjörinn borgarstjóri.
• 16. júní - Hæstiréttur Íslands kvað upp úrskurð um að gengistryggð lán væru ólögmæt.

Júlí

• 11. júlí - Spánverjar urðu heimsmeistarar í knattspyrnu eftir að hafa sigrað Hollendinga 1-0 í úrslitaleik keppninnar í Suður-Afríku.

Ágúst

• 5. ágúst - Hrun í San José-námunni í Atacma-eyðimörkinni í norðanverðu Chile. 33 námaverkamenn lokuðust inni.
• 22. ágúst - Námaverkamennirnir í San José-námunni fundust í neyðarathvarfi á 700 metra dýpi og voru allir á lífi. Talið var að það gæti tekið allt að fjóra mánuði að bjarga þeim þaðan.

September

• 28. september - Alþingi samþykkti með naumum meirihluta að kalla saman Landsdóm og ákæra Geir H. Haarde, fyrrverandi forsætisráðherra, en felldi tillögur um að ákæra Árna M. Mathiesen, Ingibjörgu Sólrúnu Gísladóttur og Björgvin G. Sigurðsson.

Október

• 13. október - Námaverkamönnunum 33 sem lokaðir höfðu verið inni í San José-námunni í 69 daga bjargað upp um borholu, um 60 cm í þvermál, sem boruð hafði verið niður til þeirra. Sjálf björgunin tók tæpan sólarhring.

Dáin

• 12. janúar - Zilda Arns, brasilískur barnalæknir og heilsustarfsmaður (f. 1934).
• 15. janúar - Marshall Warren Nirenberg, bandarískur lífefnafræðingur og nóbelsverðlaunahafi (f. 1927).
• 22. janúar - Jean Simmons, bresk leikkona (f. 1929).
• 27. janúar - J. D. Salinger, bandarískur rithöfundur (f. 1919).
• 1. febrúar - Steingrímur Hermannsson, fyrrum forsætisráðherra Íslands (f. 1928).
• 14. febrúar - Dick Francis, breskur rithöfundur (f. 1920).
• 15. febrúar - Ármann Snævarr, prófessor og fyrrverandi háskólarektor (f. 1919).
• 20. febrúar - Alexander Haig, hershöfðingi og fyrrum utanríkisráðherra Bandaríkjanna (f. 1924).
• 3. mars - Michael Foot, breskur stjórnmálamaður (f. 1913).
• 7. mars - Kenneth Dover, breskur fornfræðingur (f. 1920).
• 14. mars - Peter Graves, bandarískur leikari (f. 1926).
• 27. mars - Vasilíj Smyslov, rússneskur skákmeistari (f. 1921).
• 4. apríl - Jón Böðvarsson, skólameistari og fræðimaður (f. 1930).
• 8. apríl - Malcolm McLaren, breskur tónlistarmaður og umboðsmaður (f. 1946).
• 10. apríl - Lech Kaczyński, forseti Póllands (f. 1949).
• 5. maí - Umaru Yar'Adua, forseti Nígeríu (f. 1951).
• 8. maí - Andor Lilienthal, ungverskur skákmeistari (f. 1911).
• 28. maí - Gary Coleman, bandarískur leikari (f. 1968).
• 29. maí - Dennis Hopper, bandarískur leikari (f. 1936).
• 3. júní - Pétur Sigurgeirsson, biskup Íslands (f. 1919).
• 18. júní - José Saramago, portúgalskur rithöfundur (f. 1922).
• 28. júní - Robert Byrd, bandarískur stjórnmálamaður (f. 1917).
• 20. júlí - Benedikt Gröndal, íslenskur stjórnmálamaður og fyrrverandi forsætisráðherra (f. 1924).
• 8. ágúst - Patricia Neal, bandarísk leikkona (f. 1926).
• 9. ágúst - Ted Stevens, bandarískur stjórnmálamaður (f. 1923).
• 17. ágúst - Francesco Cossiga, forseti Ítalíu (f. 1928).
• 9. september - Bent Larsen, danskur skákmeistari (f. 1935).
• 12. september - Claude Chabrol, franskur leikstjóri (f. 1930).
• 26. september - Gloria Stuart, bandarísk leikkona (f. 1910).
• 29. september - Tony Curtis, bandarískur leikari (f. 1925).
• 3. október - Philippa Foot, breskur heimspekingur (f. 1920).
• 4. október - Norman Wisdom, breskur leikari og grínisti (f. 1915).
• 9. október - Maurice Allais, franskur hagfræðingur (f. 1911).
• 14. október - Benoit Mandelbrot, fransk-bandarískur stærðfræðingur (f. 1924).
• 27. október - Nestor Kirchner, forseti Argentínu (f. 1950).
• 12. nóvember - Henryk Gorecki, pólskt tónskáld (f. 1933).
• 28. nóvember - Leslie Nielsen, kanadískur leikari (f. 1926).
• 15. desember - Jean Rollin, franskur kvikmyndagerðarmaður (f. 1938).
• 26. desember - Teena Marie, bandarísk söngkona (f. 1956).