„Atvinnuvega- og nýsköpunarráðuneyti Íslands“: Munur á milli breytinga
Ekkert breytingarágrip |
Ekkert breytingarágrip |
||
Lína 1: | Lína 1: | ||
{{Upplýsingasnið Stjórnarráð Íslands |
{{Upplýsingasnið Stjórnarráð Íslands |
||
|Nafn= Atvinnuvega- og nýsköpunarráðuneyti Íslands |
|Nafn= Atvinnuvega- og nýsköpunarráðuneyti Íslands<br /> |
||
[[File: atvinnuvegamerki.jpg|250px|right|Merki Atvinnuvega- og nýsköpunarráðuneytisins]] |
|||
|Stofnár= 2012 |
|Stofnár= 2012 |
||
|Ráðherra= [[Sigurður Ingi Jóhannsson]]<ref>[http://www.atvinnuvegaraduneyti.is/sjavarutvegs-og-landbunadarmal/radherra/ Sigurður Ingi Jóhannsson]</ref><br /> |
|Ráðherra= [[Sigurður Ingi Jóhannsson]]<ref>[http://www.atvinnuvegaraduneyti.is/sjavarutvegs-og-landbunadarmal/radherra/ Sigurður Ingi Jóhannsson]</ref><br /> |
Útgáfa síðunnar 14. desember 2014 kl. 00:21
Atvinnuvega- og nýsköpunarráðuneyti Íslands | |
---|---|
Stofnár | 2012 |
Ráðherra | Sigurður Ingi Jóhannsson[1] |
Ráðuneytisstjóri | Kristján Skarphéðinsson[3] |
Staðsetning | Skúlagata 4 101 Reykjavík |
Vefsíða |
Atvinnuvega- og nýsköpunarráðuneyti Íslands er eitt af átta ráðuneytum Stjórnarráðs Íslands. Ráðuneytið varð til við samruna þriggja ráðuneyta og hefur umsjón með viðskipta-, iðnaðar-, landbúnaðar- og sjávarútvegsmálaflokkum. Æðstu yfirmenn þess er atvinnuvega- og nýsköpunarráðherra og æðsti embættismaður er ráðuneytisstjóri. Tveir atvinnuvega- og nýsköpunarráðherrar vinna í ráðuneytinu í dag, Ragnheiður Elín Árnadóttir starfar sem iðnaðar- og viðskiptaráðherra og Sigurður Ingi Jóhannsson er sjávarútvegs- og landbúnaðarráðherra.
Störf
Sjávarútvegs-, landbúnaðar- og byggðarmál
Í sjávarútvegsmálum hefur ráðuneytið skipulagsvald og hefur eftirlit með fiskeldi, fiskrækt og skeldýrarækt og stuðlar að og styður við rannsóknir og nýsköpun í atvinnugreinum er varða þá málaflokka. Einnig hefur það umsjón með veiði í ám og vötnum og veiðileyfagjöldum, hvalveiðum og nýtingu fiskstofna.[4] Ráðuneytið rekur Byggðastofnun sem sér um framkvæmd og stefnumótun í byggðamálum auk þess að stuðla að atvinnuþróun, sérstaklega á landsbyggðinni.[5] Ráðuneytið hefur eftirlit með landbúnaði á Íslandi og þá sérstaklega aðbúnað, framleiðslu og markaðsmál og þá sérstaklega inn- og útflutning landbúnaðarafurða. Dýravelferð og vottun lífrænnar framleiðslu heyra einnig undir ráðuneytið.[6] Ráðuneytið hefur eftirlit með framleiðslu, vinnslu, inn- og útflutningi og markaðssetningu matvæla og fóðurs.[7]
Iðnaðar- og viðskiptamál
Saga
Uppruni
Viðskiptaráðuneytið
Á Íslandi var vipskiptaráðuneyti upprunalega stofnað þann 17. apríl 1939 í upphafi síðari heimsstyrjaldarinnar og hafði þá aðallega umsjón með innflutningi og gjaldeyrismálum, enda var slík starfsemi bundin höftum til ársins 1994. Ráðuneytið sá síðar meir um úthlutun Marshallaðstoðarinnar og niðurgreiðslu á landbúnaðarvörum. Viðskiptaráðuneytið sinnti einnig alþjóðlegu efnahagssamstarfi Íslands við OECD, aðild að EFTA, GATT og að lokum EES. Við losun hafta breyttist starfsemi ráðuneytisins í að setja reglur um samkeppnismál, banka- og verðbréfaviðskipti og neytendamál.
Iðnaðarráðuneytið
Iðnaðarráðuneyti var formlega stofnað 1. janúar 1970 við gildistöku laga nr. 73/1969 sem skipti upp málaflokkum Stjórnarráðs Íslands á reglubundinn hátt sem áður höfðu flakkað á milli ráðuneyta. Mál sem sneru að iðnaði höfðu áður heyrt undir samgöngumálaráðuneytið en frá 1957 var allt sem kom úr ráðuneytinu sem sneri að þessum málaflokki ritað í nafni iðnaðarmálaráðuneytis. Þegar Iðnaðarráðuneytið var loks stofnað var það rekið með sameiginlegu starfsliði og í sama húsi og Viðskiptaráðuneytið og fór einn ráðherra með báða málaflokka frá 1988 til 2007 þegar þeim var skipt upp á milli Össurar Skarphéðinssonar og Björgvins G. Sigurðssonar.
Sjávarútvegs- og landbúnaðarráðuneytið
Lögum nr. 73/1969 um Stjórnarráð Íslands var breytt þann 13. júní 2007 og voru þá sjávarútvegs- og landbúnaðarráðuneytin sameinuð og tók eitt ráðuneyti til starfa 1. janúar 2008.