Sankti Kristófer og Nevis

Federation of Saint Kitts and Nevis
Fáni	Skjaldarmerki
Kjörorð: Country Above Self
Þjóðsöngur: O Land of Beauty!
Höfuðborg	Basseterre
Opinbert tungumál	enska
Stjórnarfar	Þingbundin konungsstjórn
Drottning Landstjóri Forsætisráðherra	Elísabet 2. Edmund Lawrence Denzil Douglas
Flatarmál  • Samtals  • Vatn (%)	207. sæti 261 km² ~0
Mannfjöldi  • Samtals (2005)  • Þéttleiki byggðar	209. sæti 53.000 164/km²
VLF (KMJ)	áætl. 2011
• Samtals	0,895 millj. dala (177. sæti)
• Á mann	15.573 dalir (60. sæti)
Gjaldmiðill	austurkarabískur dalur (XCD)
Tímabelti	UTC-4
Þjóðarlén	.kn
Landsnúmer	+1-869

Sambandsríkið Sankti Kristófer og Nevis (eða Sankti Kitts og Nevis) er tveggja eyja eyríki í Karíbahafi. Eyjarnar eru hluti Hléborðseyja, sem eru nyrðri hluti Litlu-Antillaeyja. Næstu eyjar eru við Sankti Kristófer og Nevis Angvilla, Saba, Saint Barthélemy og Saint Martin í norðnorðvestur, Antígva og Barbúda í norðaustur, Montserrat í suðvestur og Saint Croix í vestur. Höfuðborg sambandsríkisins heitir Basseterre og er ásamt aðsetri alríkisstjórnarinnar staðsett á stærri eyjunni, Sankti Kristófer. Nevis (Nuestra Señora de las Nieves) er staðsett 3 km suðaustur af stærri eyjunni. Áður var breska nýlendan Angvilla hluti af sambandinu, sem þá hét Sankti Kristófer-Nevis-Angvilla.

Eyjarnar voru byggðar indíánum um þúsundir ára, en karíbar lögðu þær undir sig um þremur öldum fyrir komu Evrópumanna. Eyjarnar voru með þeim fyrstu sem Evrópumenn hófu landnám á þegar franskir húgenottar settust að á Sankti Kristófer árið 1538. Spánverjar lögðu byggð þeirra í rúst og fluttu þá burt frá eyjunni skömmu síðar. Árið 1623 hófu Englendingar landnám og síðan Frakkar. Árið 1626 frömdu þeir fjöldamorð á frumbyggjum eyjanna sem höfðu lagt á ráðin um að reka hvítu landnemana burt. Spánverjar lögðu byggðirnar á eyjunni aftur í rúst en heimiluðu svo endurreisn þeirra árið 1630. England og Frakkland tókust á um yfirráð en á endanum urðu eyjarnar enskt yfirráðasvæði 1713. Sykurplantekrur voru undirstaða byggðarinnar og þrælar frá Afríku voru fluttir inn í stórum stíl til að vinna á þeim. Eyjarnar fengu (ásamt Angvilla) heimastjórn árið 1967. Íbúar Angvilla klufu sig úr sambandinu árið 1971. Eyjarnar fengu fullt sjálfstæði árið 1983.

Frá 17. öld og fram undir miðja 20. öld var sykur helsta útflutningsafurð eyjanna en lækkandi heimsmarkaðsverð hefur ýtt undir aukna fjölbreytni í landbúnaðarframleiðslu eyjanna. Mikilvægustu atvinnugreinarnar eru ferðaþjónusta og rafeindatæki og rafeindaíhlutir.

Stjórnsýsluskipting

Sankti Kristófer og Nevis er skipt í fjórtán sóknir: níu á Sankti Kristófer og fimm á Nevis.

Christ Church Nichola Town (Sankti Kristófer) Saint Anne Sandy Point (Sankti Kristófer) Saint George Basseterre (Sankti Kristófer) Saint George Gingerland (Nevis) Saint James Windward (Nevis) Saint John Capesterre (Sankti Kristófer) Saint John Figtree (Nevis) Saint Mary Cayon (Sankti Kristófer) Saint Paul Capisterre (Sankti Kristófer) Saint Paul Charlestown (Nevis) Saint Peter Basseterre (Sankti Kristófer) Saint Thomas Lowland (Nevis) Saint Thomas Middle Island (Sankti Kristófer) Trinity Palmetto Point (Sankti Kristófer)

Saint Mary Cayon Christ Church Nichola Town Saint Peter Basseterre Saint George Basseterre Trinity Palmetto Point Saint Thomas Middle Island Saint Anne Sandy Point Saint Paul Capisterre Saint John Capisterre Saint Thomas Lowland Saint Paul Charlestown Saint John Figtree Saint James Windward Saint George Gingerland Karíbahaf SANKTI KRISTÓFER NEVIS

  Þessi landafræðigrein er stubbur. Þú getur hjálpað til með því að bæta við greinina.