Vefritið

Vefritið opnaði föstudaginn 13. október 2006 undir vefslóðinni Vefritid.is. Á Vefritið skrifar fjölbreyttur hópur ungs fólks sem á það sameiginlegt að vera frjálslynt félagshyggjufólk. Er það mat stofnenda Vefritsins að sár þörf sé á umræðu á grundvelli jafnaðarstefnu á meðan yfirdrifið mörgum hægrisinnuðum íhaldsvefritum sé haldið úti. Ritstjórn Vefritsins vonast þannig til þess að það verði vettvangur ferskrar umræðu, sem situr ekki föst í skotgröfum en er spyrjandi og leitandi í umfjöllun um málefni líðandi stundar. Vefritið er óháður miðill sem tengist hvorki stjórnmálaflokkum né félagasamtökum. Á síðunni segir um Vefritið: Orð eru til alls fyrst. Markmið Vefritsins er að stuðla að uppbyggilegri umræðu um samfélagsmál. Á Vefritið skrifar fólk sem vill samfélag sem er í senn réttlátt og skilvirkt; að það sé byggt á menntun, frjálsu atvinnulífi og jöfnum tækifærum, virðingu fyrir manneskjunni og umhverfi hennar. Tilgangur Vefritsins er að vera vettvangur ferskrar umræðu sem situr ekki föst í skotgröfum en er spyrjandi og leitandi í umfjöllun um málefni líðandi stundar. Vefritið tengist hvorki stjórnmálaflokkum né félagasamtökum.

Ritstjórn vefritsins skipa: Agnar Freyr Helgason Anna Pála Sverrisdóttir Eva Bjarnadóttir Grétar Halldór Gunnarsson Helga Tryggvadóttir Hrafn Stefánsson Valgerður B. Eggertsdóttir Þórir Hrafn Gunnarsson