„Alþýðufylkingin“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Vigdisfreyja (spjall | framlög)
Ekkert breytingarágrip
mEkkert breytingarágrip
Lína 32: Lína 32:


[[Flokkur:Íslenskir stjórnmálaflokkar]]
[[Flokkur:Íslenskir stjórnmálaflokkar]]

[[en:People's Front of Iceland]]

Útgáfa síðunnar 15. apríl 2013 kl. 16:15

Alþýðufylkingin
Formaður Þorvaldur Þorvaldsson
Varaformaður Vésteinn Valgarðsson
Stofnár 2013
Höfuðstöðvar Hverfisgata 82, 101 Reykjavík
Stjórnmálaleg
hugmyndafræði
Félagshyggja, jafnaðarstefna, náttúruverndarstefna, friðarstefna, kvenfrelsisstefna.
Einkennislitur Rauður
Vefsíða althydufylkingin.blogspot.com

Alþýðufylkingin er íslensk stjórnmálahreyfing sem stofnuð var í Friðarhúsi í Reykjavík þann 12. janúar árið 2013.[1] Flokkurinn er róttækur vinstri flokkur sem ætlar sér að vera „baráttutæki íslenskrar alþýðu til að bæta hag sinn með því að heimta sitt úr höndum auðstéttarinnar“.[2] Alþýðufylkingunni hefur verið stillt upp sem klofningsframboði úr Vinstri grænum, en það á við þau rök að styðjast að formaður Alþýðufylkingarinnar, Þorvaldur Þorvaldsson, var í stjórn og flokksráði Vinstri grænna um árabil en sagði sig úr flokknum vegna óánægju með hann og ríkisstjórnina. Framboðið ætlar sér því að vera svar við eftirspurn eftir stjórnmálaafli sem staðsetur sig vinstra megin við Vinstri græna.[3] Alþýðufylkingin hefur fengið úthlutað listabókstafnum R[4] og stefndi upphaflega að framboði á landsvísu í alþingiskosningunum 2013,[5] en það lítur út fyrir að framboð takist aðeins í Reykjavíkurkjördæmum norður og suður. Þrátt fyrir það stefna félagsmenn á áframhaldandi samstarf sama hverjar niðurstöður komandi kosninga verða og segjast komnir til þess að vera.[6]

Stefnumál

Alþýðufylkingin berst skilyrðislaust gegn aðild Íslands að Evrópusambandinu á þeim forsendum að þar ráði auðvaldsskipulag og frjálshyggja ríkjum, og Íslendingar eigi heldur að standa vörð um pólitískt og efnahagslegt fullveldi þjóðarinnar.[7] Flokkurinn mælir með úrsögn Íslands úr Atlantshafsbandalaginu og vill þess í stað að landið beiti sér í þágu friðar og réttlætis á alþjóðavettvangi.

Alþýðufylkingin hyggst ætla að stuðla að því að jöfnuður og jafnrétti verði raunverulegar stoðir samfélagsins. Til þess þurfi að efla lýðræði og auka vægi hins félagslega í hagkerfinu á kostnað markaðsvæðingar, en þá verði hægt að reisa velferðarkerfið rausnarlega við og styrkja alla innviði félagskerfisins.

Gæsalappir

Með félagsvæðingu er ekki aðeins átt við ríkisrekstur eða annað félagslegt eignarhald heldur verði markmið rekstrarins annað og víðtækara en bókhaldslegur hagnaður: Hagur almennings og samfélagsins í heild verði í öndvegi, viðkomandi starfsemi lúti lýðræðislegum ákvörðunum og stefnumörkun og enginn geti haft hana sér að féþúfu.“

— Alþýðufylkingin.

Markmiðið verði að heilbrigðisþjónusta og menntun verði án endurgjalds og séu samfélagsleg verðmæti fremur en markaðsvara. Það verði ekki mögulegt nema grafið sé undan oki fjármálastarfseminnar og kröfunni um sífellda útþenslu sé létt af hagkerfinu. Einkarekstur megi þó eiga rétt á sér í verðmætaskapandi framleiðslu og þjónustu sem teljist ekki til innviða samfélagsins. Atvinnuvegir eigi að vera fjölbreyttir samfara því sem þeir uppfylli þarfir þjóðfélagsins í stað þess að auka gróða og ójöfnuð.

Alþýðufylkingin berst fyrir því að auðlindir lands og sjávar verði óframseljanleg sameign þjóðarinnar svo hagnaðurinn skili sér í bættum lífskjörum hennar. Hófleg nýting skuli vera höfð að leiðarljósi og stórauknu fé skuli veitt til þess að auka landgæði og vinna gegn náttúruspjöllum. Varast skal of mikla samþjöppun og einokun bæði hvað landbúnaðinn og ferðaþjónustuna varðar til að koma í veg fyrir rýrnun á landsgæðum.[2]

Tenglar

Heimildir

  1. Vésteinn Valgarðsson „Stofnyfirlýsing Alþýðufylkingarinnar“, Alþýðufylkingin 13. janúar 2013. [Skoðað 9. mars 2013].
  2. 2,0 2,1 „Stefnuskrá Alþýðufylkingarinnar“, Alþýðufylkingin, [Skoðað 12. mars 2013].
  3. „Auðstéttin fái ekki að arðræna fólk“, RÚV 13. mars 2013. [Skoðað 10. apríl 2013]
  4. „Fimm nýir listabókstafir“, Kosningavefur Innanríkisráðuneytisins 8. mars 2013. [Skoðað 12. mars 2013].
  5. „Alþýðufylkingin ætlar að sækja um listabókstaf – stefnt að framboði á landsvísu“, Smugan 16. janúar 2013. [Skoðað 12. mars 2013]
  6. Vésteinn Valgarðsson „Fundur í kvöld -- góður mórall“, Alþýðufylkingin 9. apríl 2013. [Skoðað 10. apríl 2013].
  7. „Alþýðufylkingin (“The People’s Front of Iceland”) Interviewed“, The Reykjavík Grapevine 5. mars 2013. [Skoðað 10. apríl 2013]