„Rotþró“: Munur á milli breytinga
m r2.7.3) (Vélmenni: Bæti við: fi:Saostuskaivo; útlitsbreytingar |
|||
Lína 17: | Lína 17: | ||
[[Flokkur:Sorpstjórnun]] |
[[Flokkur:Sorpstjórnun]] |
||
[[ca:Fossa sèptica]] |
|||
[[cs:Septik]] |
|||
[[da:Septiktank]] |
|||
[[de:Klärgrube]] |
|||
[[en:Septic tank]] |
|||
[[eo:Ekskrementa cisterno]] |
|||
[[es:Fosa séptica]] |
|||
[[et:Septik]] |
|||
[[fa:گندانبار]] |
|||
[[fi:Saostuskaivo]] |
|||
[[fr:Fosse septique]] |
|||
[[hr:Septička jama]] |
|||
[[it:Fossa biologica]] |
|||
[[ja:浄化槽]] |
|||
[[ko:정화조]] |
|||
[[nl:Septische put]] |
|||
[[no:Septiktank]] |
|||
[[pl:Szambo]] |
|||
[[pt:Fossa séptica]] |
|||
[[ro:Fosă septică]] |
|||
[[ru:Септик]] |
|||
[[sv:Septiktank]] |
|||
[[tr:Lağım çukuru]] |
|||
[[uk:Септик]] |
|||
[[zh:化糞池]] |
|||
[[zh-yue:化糞池]] |
Útgáfa síðunnar 9. mars 2013 kl. 04:18
Rotþró er tankur eða röð tanka sem hægja á flæði skólps og minnka magn fastra efna í skólpinu þar sem gegnumstreymi er ekki beint í gegnum tankinn. Óuppleyst efni skiljast frá vatninu á þann hátt að þyngri efnin setjast á botninn en fita og önnur léttari efni fljóta upp. Þannig myndast flotlag og botnlag.
Hlutverk rotþróar er að fella út föst efni, fleyta upp fitu, að stuðla að loftfirrtu niðurbroti á lífrænum efnum og að geyma botnfall (seyru). Skólpvatn rennur út úr þrónni og út í siturlögnina.
Lífræn efni, verða eftir í rotþrónni og byrja að rotna vegna örvera sem eru til staðar og brjóta efnin niður við loftfirrðar aðstæður á botni rotþróarinnar. Um fullkomna eyðingu er þó aldrei að ræða og með tímanum safnast fyrir í þrónni föst efni, svokölluð seyra, sem rotnar ekki. Í köldu loftslagi, eins og er á Íslandi, er hætt við að þessi lífrænu efni rotni hægar og uppsöfnun á seyru verði meiri. Ýmis þvotta- og hreinsiefni, einkum sótthreinsiefni, sem berast í rotþrær með frárennsli, geta dregið úr gerjun og rotnun, sérstaklega ef um óæskilegt magn af efnum er að ræða.
Neðst í rotþróm er botnlag eða seyra sem inniheldur þau efni sem falla til botns og þar fer mesta rotnunin fram. Efsta lagið er fljótandi yfirborðsskán eða froða sem í eru ýmis léttari efni, til dæmis fita og einnig smáagnir. Í flestum tilvikum harðnar yfirborðsskánin og því er nauðsynlegt að skólpinntakið sé fyrir neðan skánina. Á milli yfirborðsskánarinnar og botnlags er skólpvatnið sem berst milli hólfa í rotþrónni og síðan út úr þrónni og í siturlögnina.
Þriggja hólfa rotþrær gera mun meira gagn en þrær sem eru með færri hólfum. Þriggja hólfa rotþrær eru því nauðsynlegar á Íslandi en fleiri en þrjú hólf eru óþörf.
Í þriggja hólfa rotþróm lengist tíminn sem skólpið er í rotþrónni og við það fæst betri botnfelling á föstum efnum. Einnig veldur innstreymi í þróna minna umróti og truflun í seinni hólfunum þar sem fínni og léttari agnir skiljast frá. Þyngstu agnirnar falla til botns í fyrsta hólfi, það er meðal annars ástæðan fyrir því að fyrsta hólf er haft helmingi stærra að rúmmáli en hin tvö hólfin.[1]
Heimildir
- ↑ Umhverfisstofnun. (janúar 2004). útgefið efni. Sótt 28. desember 2009 frá Umhverfisstofnun: http://www.ust.is/Frodleikur/UtgefidEfni/nr/63