„RARIK“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Cessator (spjall | framlög)
Ekkert breytingarágrip
m flokkun
Lína 15: Lína 15:


* „Traust þjónusta í 60 ár“, ''Blaðið'' 6. mars 2007
* „Traust þjónusta í 60 ár“, ''Blaðið'' 6. mars 2007

[[Flokkur:Opinber fyrirtæki]]
[[Flokkur:Íslensk orkufyrirtæki]]
{{s|1947}}

Útgáfa síðunnar 22. desember 2011 kl. 11:59

RARIK ohf eða Rafmagnsveitur ríkisins er opinbert orkufyrirtæki. Það hóf starfsemi 1. janúar 1947. Á fyrstu árum RARIK var hafist handa við nokkrar virkanir og árið 1954 var lögfest rafvæðingaráætlun og var þá gert átak í línulögnum um landið. RARIK reisti Lagarfossvirkjun og Mjólkárvirkjun II sem báðar voru teknar í notkun 1975. RARIK tók við rekstri Kröfluvirkjunar í ársbyrjun 1979 og sá um uppbyggingu og rekstur hennar þar til Landsvirkjun tók við þeim rekstri. Landsvirkjun var stofnun 1965 og árið 1967 voru raforkulög endurskoðuð og breytt í orkulög en með þeim lögum voru RARIK og Héraðsrafmagnsveiturnar sameinaðar í eitt fyrirtæki sem heyrði undir þann ráðherra sem færi með orkumál.

Árið 1972 hófust framkvæmdir við fyrsta hluta byggðalínu em með henni var ætlað að hringtengja raforkukerfi landsins og sameina raforkukerfi einstakra landshluta. RARIK sá um það verkefni en Landsvirkjun tók svo yfir byggðalínuna 1983 og var þá samið um að RARIK lyki við byggingu Suðurlínu frá Hornafirði til Sigölduvirkjunar. Þessari hringtengingu raforku var lokið 1984 og var þá búið að tengja alla þéttbýlisstaði saman í hringveg raforku sem var 1.057 km.

Orkubú Vestfjarða (OV) var stofnað 1978 og tók það við starfsemi RARIK á Vestfjörðum. Árið 1985 keypti Hitaveita Suðurnesja flutningskerfi og markað RARIK á Reykjanesi og þar með markað Varnarliðsins á Miðnesheiði. RARIK keypti árið 1991 Hitaveitu Hafnar í Hornafirði, Skeiðfossvirkjun og Rafveitu og Hitaveitu Siglufjarðar og hóf þá í fyrsta skipti rekstur jarðhitaveitu. RARIK keypti Hitaveitu Seyðisfjarðar 1992, Dreifikerfi Rafveitu Borgarness og Rafveitu Hvanneyrar árið 1995, Rafveitu Hveragerðis árið 2000, Rafveitu Sauðárkróks árið 2001, Hitaveitu Dalanna 2003 og Hitaveitu Blönduóss 2005. RARIK á og rekur dreifikerfi á 43 þéttbýlisstöðum. Meirihluti af dreifikerfum í sveitum eða um 90 % eru í umsjá RARIK og er átak í að endurnýja sveitakerfin með því að leggja jarðstrengi í stað loftlínu.

Í byrjun árs 2005 urðu breytingar á raforkuviðskiptum en þá voru samþykkt raforkulög þar sem stærstu raforkukaupendur gátu valið raforkusala og í ársbyrjun 2006 voru öll viðskipti með raforku gefin frjáls. Landsnet hf tók til starfa 1. janúar 2005 en því er ætlað að sinna meginflutningi rafmagns í landinu. Með stofnun Landsnets lauk þætti RARIK í heildsölu rafmagns og stundar fyrirtækið nú eingöngu smásöluviðskipti. Meirihluti stofnlínukerfis RARIK var seldur til Landsnets og var helmingur söluverðs greiddur sem hlutafé í Landsneti en RARIK á 24,2 % í Landsneti. 3. apríl 2006 voru samþykkt lög þar sem Rafmagnsveitum Ríkisins var breytt í opinbert hlutafélag og tók RARIK ohf við öllum rekstrinum. Í árslok 2006 færðust eignarhlutir í fyrirtækinu frá Iðnaðarráðuneyti til Fjármálaráðuneytis.

Orkusalan ehf var stofnuð 10. mars 2006 með þremur eigendum RARIK með 36 %, Orkubú Vestfjarða með 36% og Landsvirkjun með 28%.

Heimild

  • „Traust þjónusta í 60 ár“, Blaðið 6. mars 2007