„Chuck (sjónvarpsþáttur)“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Ekkert breytingarágrip
Lína 97: Lína 97:
{{Aðalgrein|Chuck (sjónvarpsþáttur) (2. þáttaröð)}}
{{Aðalgrein|Chuck (sjónvarpsþáttur) (2. þáttaröð)}}


Chuck situr fastur með Intersect-tölvuna í heilanum á sér og reynir að finna Orion, manninn sem bjó til Intersect-tölvuna. Fulcrum, óvinanjósnahópur er líka að leita að honum. Ellie og Devon undirbúa brúðkaupið sitt og vill Chuck finna föður þeirra Stephen J. Bartowski.
Chuck situr fastur með Intersect-tölvuna í heilanum í sér og reynir að finna Orion, manninn sem bjó til Intersect-tölvuna. Fulcrum, óvinanjósnahópur er líka að leita að honum. Ellie og Devon undirbúa brúðkaupið sitt og vill Chuck finna föður þeirra Stephen J. Bartowski.


=== Þriðja þáttaröð (2010) ===
=== Þriðja þáttaröð (2010) ===

Útgáfa síðunnar 13. október 2011 kl. 15:00

Chuck
Mynd:Chuck sarah.jpg
TegundHasar
Grín
Búið til afJosh Schwartz
Chris Fedak
KynnirNBC
Stöð 2
LeikararZachary Levi
Yvonne Strahovski
Joshua Gomez
Ryan McPartlin
Mark Christopher Lawrence
Julia Ling
Vik Sahay
Scott Krinsky
Bonita Friedericy
Sarah Lancaster
Adam Baldwin
UpphafsstefCake: „Short Skirt/Long Jacket“ (instrumental)
TónskáldTim Jones
UpprunalandFáni Bandaríkjana Bandaríkin
FrummálEnska
Fjöldi þáttaraða4
Fjöldi þátta78 (þáttalisti)
Framleiðsla
AðalframleiðandiJosh Schwartz
McG
Lengd þáttar42 mín.
Útsending
Upprunaleg sjónvarpsstöðNBC
Stöð 2
Sýnt24. september 2007 –

Chuck er bandarískur hasar-gamanþáttur búinn til af Josh Schwartz og Chris Fedak. Þættirnir snúast um Chuck Bartowski sem var ósköp venjulegur nörd sem lifði afar óspennandi lífi þar til hann opnaði tölvupóst frá gömlum skólafélaga, sem nú vinnur hjá CIA, og mötuðu skilaboðin hann á öllum hættulegustu leyndarmálum CIA. Hann varð þannig mikilvægasta leynivopn sem til er og örlög heimsins hvíla á herðum hans.

Eftir tveggja mánaða „Björgum Chuck“-herferð á vegum aðdáenda fékk Chuck grænt ljós á þriðju þáttaröðina, sem inniheldur 19 þætti. Stór styrkur á milli NBC og Subway-veitingastaðarins var einnig kynntur til þess að mæta kostnaði við gerð þessarar þáttaraðar.

Fjórða þáttaröðin var samþykkt í maí 2010 og pantaði NBC 13 þætti en bætti svo 11 þáttum til viðbótar og innihélt fjórða þáttaröðin 24 þætti. Í maí 2011 pantaði NBC fimmtu þáttaraðina sem verður í senn lokaþáttaröðin af Chuck og mun samanstanda af 13 þáttum.

Söguþráður

Chuck Bartowski (Zachary Levi) er 26 ára, býr í Burbank í Kaliforníu og vinnur sem tölvusérfræðingur í Nerd Herd-þjónustunni í Buy More-verslun, stórri raftækjaverslun, með besta vini sínum, Morgan Grimes (Joshua Gomez). Systir Chucks, Ellie (Sarah Lancaster), er læknir og er sífellt að hvetja hann til þess að gera eitthvað í sínum málum, bæði í vinnunni og í einkalífinu. Nýr aðalleikari þátanna (fyrrum gestaleikari) er eiginmaður Ellie, Devon „Captain Awesome“ Woodcomb (Ryan McPartlin), sem einnig er læknir og reynir að hjálpa Chuck í hinum ýmsu málum. Sama kvöld og afmælisveisla Chucks er, fær hann tölvupóst frá fyrrum herbergisfélaga sínum í Stanford, Bryce Larkin, sem nú er CIA-fulltrúi. Þegar Chuck opnar skeytið hlaðast öll leyndarmál bandarísku ríkisstjórnarinnar inn í heilann á honum. Bæði NSA og CIA vilja fá leyndarmálin til baka og senda þau bestu fulltrúana sína á vettvang — John Casey (Adam Baldwin) frá NSA og Söruh Walker (Yvonne Strahovski) frá CIA til að ná leyndarmálunum.

Eftir að Bryce Larkin stal leyndarmálunum og eintak ríkisstjórnarinnar eyðilagðist þegar Bryce reyndi að flýja, og þegar Chuck sér upplýsingarnar fyrir sér þegar hann sér eitthvað sem er í gagnagrunninum (svo sem andlit, raddir, upplýsingar, kóðar o.fl.), verður hann nýja leynivopn ríkissjtórnarinnar og neyðist til þess að hjálpa þeim með nýju þekkingunni sinni að berjast við hryðjuverkamenn og fleiri glæpamenn. Til þess að gæta fyllsta öryggis verður Chuck að halda þessu öllu saman leyndu fyrir fjölskyldu sinni og vinum, sem neyðir Casey og Walker til þess að finna sér venjulegan stað í lífi Chucks; Sarah þykist vera kærasta Chucks og fær vinnu á veitingastað nálægt Buy More (í fyrstu þáttaröðinni er það Wienerlicious en nú Orange Orange), á meðan Casey fær starf í Buy More sem sölumaður.

Á meðan reynir ríkisstjórnin að byggja upp nýja tölvu sem getur geymt öll lenydarmálin. Þegar verkið nálgast endalokin er Casey skipað að drepa Chuck um leið og nýja tölvan er tilbúin. En í fyrsta þætti annarrar þáttaraðar eyðileggst hún og heldur Chuck lífi.

Þegar dregur á þáttaröðina kemur það fram að Bryce er enn þá lifandi og eru öfgafullir spæjarar nefndir „Fulcrum“ eru að leita að því sem geymir öll leyndarmálin og halda þau að leyndarmálin séu í vörslu Bryce en ekki Chucks. Nokkrir fulltrúar „Fulcrum“ hafa komist að því að það er Chuck sem geymir öll leyndarmálin en allir hafa horfið eða dáið áður en þeir ná að koma upplýsingunum eitthvað áleiðis.

Það kemur einnig fram að Fulcrum er að byggja upp sinn eigin gagnagrunn og heldur Fulcrum að CIA hafi hætt að byggja upp sinn eigin. Í þættinum „Chuck versus the Suburbs“ eru öll leyndarmál Fulcrum sett í heilann á Chuck. Á endanum eru öll leyndarmálin fjarlægð úr höfði Chuck af föður hans Stephen Bartowski (eða Orion), sem fann upp gagnagrunninn, og Captain Awesome kemst að leyndarmáli Chucks. Í síðasta þættinum í annarri þáttaröð, „Chuck versus the Ring“, biður dauðvona Bryce Chuck um að eyðileggja nýja gagnagrunninn og hleður Chuck þá gagnagrunninum með öllum leyndarmálunum aftur í heilann á sér og kemur það fram í lokaatriðinu að Chuck hefur fengið nýja uppfærslu, þar sem hann kann núna kung fu.

Í upphafi þriðju þáttaraðarinnar hefur Chuck ákveðið að hætta með Söruh til að verða njósnari og fer hann í "njósnaskóla" til að læra að nota nýju Intersect 2.0-tölvuna. En tilfinningar Chucks rugla tölvuna þannig að stundum getur Chuck ekki lært hluti sem hann þarf að nota. Chuck fellur í njósnaskólanum og er rekinn. Chuck reynir að hjálpa Söruh og Casey með erfitt verkefni til að sanna að hann geti verið góður njósnari. Beckman leyfir Chuck að vinna áfram með Söruh og Casey en sendir inn CIA-fulltrúann Daniel Shaw, sérfræðing um óvinanjósnadeildina The Ring, til að stjórna teyminu og vera nokkurskonar lærimeistari Chuck.

Morgan kemst loksins að leyndarmáli Chucks og heimtar að fá að vinna með teyminu hans. Shaw og Sarah byrja saman sem gerir Chuck erfiðara að nota Intersect-tölvuna. Við komumst að því að Casey hét áður Alex Coburn og gerði upp dauða sinn og tók síðan upp nafnið John Casey til að halda áfram í stríði 1989. Þegar að fyrrum yfirmaður hans hótar að drepa kærustuna sem hann var með sem Alex Coburn nema hann hjálpi The Ring verður Casey rekinn, en kemst að því að hann á dóttur sem heitir Alex McHugh.

Þegar forstjóri The Ring sýnir Shaw að Sarah var skipuð að drepa eiginkonuna hans af CIA (hann taldi að Ring-fulltrúi hafði gert það) gengur hann í lið með The Ring og reynir að drepa Söruh en Chuck og Casey koma til bjargar; Chuck drepur Shaw og Casey nær Ring-forstjóranum og er endurráðinn og fær Beckman að ráða Morgan. Chuck og Sarah byrja saman.

En nýja Intersect-tölvan ofhitar heilann í Chuck sem gerir honum erfiðara að nota hana. En faðir hans kemur aftur og býr til tæki sem kallast Governor sem hjálpar hitastilla Intersect tölvuna og er falið í armbandsúri. The Ring tekst að lífga Shaw við og hleður Ring-Intersect-tölvu í heilann á honum. Hann drepur Stephen Bartowski og handsamar Chuck, Söruh og Casey og stelur Governor-tækinu. Ellie kemst að leyndarmáli Chucks og Bartowski-teymið er handtekið fyrir landráð.

Ellie, Morgan og Captain Awesome bjarga Chuck, Söruh og Casey. Chuck biður Ellie og Awesome að fara í felur á meðan Chuck, Morgan, Sarah og Casey kljást við Shaw og The Ring. Chuck platar Shaw í að játa landráð sín og koma upp um leiðtoga The Ring en Shaw sleppur. Seinna kemur hann við í Buy More-búðinni og kemur fyrir sprengjum og handsamar Söruh. Chuck reynir að berjast við hann en Intersect-tölvan hrynur. En Chuck tekst að endurræsa hana og sigra Shaw og nær aftur Governor-tækinu.

Chuck lofar Ellie að hætta sem njósnari. Faðir Chucks skilur eftir skilaboð um að móðir Chucks og Elliear sé njósnari og hann vill að Chuck finni hana.

Fyrri hluti fjórðu þáttaraðarinnar fjallar um leit Chucks að móður sinni, Mary Bartowski, sem hann telur vera fanga rússneska vopnasalans, Alexei Volkoff. Chuck og Morgan byrja leitina sjálfir en fá svo Söruh og Casey til að hjálpa sér og ganga aftur í CIA. Á meðan verður Ellie ófrísk sem verður frekari hvati fyrir Chuck að finna móður sína. Samband Caseys og Morgans breytist eftir að Morgan byrjar með dóttur hans, Alex McHugh. Og ríkisstjórnin endurbyggir Buy More-verslunina sem yfirvarp fyrir CIA og NSA og fá Big Mike, Lester og Jeff og hitt Buy More-starfsfólkið störfin sín aftur.

Chuck kemst að því að Mary er á laun hægri hönd Alexeis Volkoffs og telur Chuck sig ekki getað fengið móður sína aftur fyrr en hann handsamar Volkoff. Chuck tekst það í þættinum Chuck versus the Push Mix og í þeim þætti fæðist dóttir Elliear og Devons, Clara Woodcomb og Chuck biður Söruh að giftast sér.

Seinni hluti þáttaraðirnnar fjallar um undirbúninginn fyrir brúðkaup Chucks og Söruh. Einnig eignast Chuck nýjan erki óvin, Vivian Volkoff/Vivian McArthur, dóttir Volkoffs og lögfræðingur Volkoffs, Riley, reynir að móta hana í ímynd Volkoffs. Fyrsta verk hennar er að finna og drepa Agent X sem var eini maðurinn sem faðir hennar óttaðist. Chuck, Sarah, Morgan og Casey komast að því að Agent X er Volkoff: hann hafði áður verið MI6-vísindamaðurinn Hartly Winterbottom, vinur Stephens Bartowski, og notaði frumútgáfu af Intersect-tölvunni til að búa til persónuleikann Alexei Volkoff en persónuleikinn festist við. Casey segir þeim að þau mega ekki segja neinum frá því að CIA skapaði Volkoff, annars verða þau drepin.

Stuttu fyrir brúðkaupið fangar Vivian Mary þegar hún reynir að ná Norseman-vopninu, efnavopn sem drepur fólk í gegnum erfaefni þeirra. Chuck, Sarah og Casey bjarga henni, ná vopninu, og drepa Riley.

Á æfingarkvöldverðinum hringir Vivian í Chuck og segir honum að hún er með annað Norseman-vopn og notar það til að eitra fyrir Söruh. Chuck, Casey og Mary vinna gegn CIA-sérfulltrúanum Clyde Decker sem hreinsar Intersect-tölvuna úr Chuck og Volkoff (sem verður aftur Hartley Winterbottom). Chuck og Hartley fara til Vivian og sannfæra hana að gefa Chuck mótefnið og Chuck gefur þeim ný órekjanleg persónuskilríki.

Vivian hjálpar Chuck að kljást við Decker með því að senda með honum Spetsnaz-hermenn og Chuck hótar Decker því að ef eitthvað hendir ástvini hans mun hann koma sannleikann um Agent X til fjölmiðlana. Decker segir Chuck að dulinn hópur innan ríkistjórnarinn skipulagði allt: að Chuck fengi Intersect-tölvuna, Fulcrum, og The Ring.

Chuck bjargar Söruh og þau hætta í CIA og gifta sig. Hartley og Vivian gefa Chuck allar eignir Volkoff-fyrirtækisins eða 877 milljónir dali. Chuck og Sarah nota peningana til að kaupa Buy More og Kastalabækistöðina og stofna sitt eigið sjálfstætt starfandi njósnafyrirtæki með Casey og Morgan til að komast að hver dularfulli hópurinn er en Morgan setur óvart á sig sólgleraugu sem gefa honum Intersect 2.0...

Listi yfir þætti

Fyrsta þáttaröð (2007-2008)

Í fyrstu þáttaröðinni þarf Chuck fljótt að aðlagast hinum banvæna njósnaheimi undir verndarvængjum Söruh Walker og Johns Casey majór. Chuck reynir líka að komast að því hvers vegna Bryce sendi honum gagnagrunninn.

Önnur þáttaröð (2008-2009)

Chuck situr fastur með Intersect-tölvuna í heilanum í sér og reynir að finna Orion, manninn sem bjó til Intersect-tölvuna. Fulcrum, óvinanjósnahópur er líka að leita að honum. Ellie og Devon undirbúa brúðkaupið sitt og vill Chuck finna föður þeirra Stephen J. Bartowski.

Þriðja þáttaröð (2010)

Í þriðju þáttaröðinni reynir Chuck að stjórna nýju Intersect-tölvunni - Intersect 2.0 sem gerir honum kleift að öðlast ýmsa hæfileika. Sarah og Casey eiga að þjálfa Chuck að verða njósnari og Morgan kemst að leyndarmáli Chucks. Njósnahópurinn The Ring er nýr óvinur Bartowski-teymisins.

Fjórða þáttaröð (2010-2011)

Í fjórðu þáttaröð reynir Chuck að finna móður sína, Mary Bartowski, sem hvarf þegar hann var tíu ára. Ellie og Devon eiga von á barni og Chuck ákveður að biðja Söruh að giftast sér. Rússneski vopnasalinn Alexei Volkoff er aðalóvinur Bartowski-teymisins.

Fimmta þáttaröð (2011-2012)

Chuck og Sarah Bartowski hafa stofnað Carmichael Industries, sjálfstætt starfandi njósnafyrirtæki. Morgan er nú með Intersect 2.0 og þarf Chuck að leiðbeina honum. Casey fellur fyrir Gertrude Verbanski sem rekur Verbanski Corp, aðalkeppinaut Carmichael Industries.

Persónur & leikendur

Aðalleikarar

  • Zachary Levi sem Charles Irving "Chuck" Bartowski/Charles Carmichael (fyrrum CIA-fulltrúi)
  • Yvonne Strahovski sem Sarah Bartowski (fyrrum CIA-fulltrúi)
  • Joshua Gomez sem Morgan Guillermo Grimes (fyrrum CIA-fulltrúi)
  • Sarah Lancaster sem Dr. Eleanor Fay "Ellie" Bartowski-Woodcomb
  • Adam Baldwin sem John Casey ofursti (fyrrum NSA-fulltrúi)
  • Ryan McPartlin sem Dr. Devon Christian "Captain Awesome" Woodcomb (Gestahlutverk í 1. þáttaröð, aðalhlutverk í 2., 3., 4. og 5. þáttaröð)
  • Mark Christopher Lawrence sem Michael "Big Mike" Tucker (Gestahlutverk í 1. þáttaröð, aðalhlutverk í 2., 3., 4. og 5. þáttaröð)
  • Vik Sahay sem Lester Patel (Gestahlutverk í 1. þáttaröð, aðalhlutverk í 2., 3., 4. og 5. þáttaröð)
  • Scott Krinsky sem Jeffrey "Jeff" Barnes( Gestahlutverk í 1. þáttaröð, aðalhlutverk í 2., 3., 4. og 5. þáttaröð)
  • Julia Ling sem Anna Melinda Wu (Gestahlutverk í 1. og 3. þáttaröð, aðalhlutverk í 2. þáttaröð)
  • Bonita Friedericy sem Diane Beckman hershöfðingi (Gestahlutverk í 1., 2., 3. þáttaröð, aðalhlutverk í 4. og 5. þáttaröð)

Gestaleikarar

  • C.S. Lee sem Harold Tiberius "Harry" Tang (1. þáttaröð)
  • Tony Todd sem Langston Graham (1. og 2. þáttaröð)
  • Matthew Bomer sem Bryce Larkin (1. og 2. þáttaröð)
  • Mini Andén sem Carina Miller (1. 3. og 4. þáttaröð)
  • Tony Hale sem Emmett Milbarge (2. og 3. þáttaröð)
  • Jordana Brewster sem Dr. Jill Roberts/Sandstorm (2. þáttaröð)
  • Scott Bakula sem Stephen J. Bartowski/Orion (2. og 3. þáttaröð)
  • Chevy Chase sem Ted Roark (2. þáttaröð)
  • Brandon Routh sem Daniel Shaw (3. þáttaröð)
  • Kristin Kreuk sem Hannah (3. þáttaröð)
  • Mekenna Melvin sem Alex McHugh (3. og 4. þáttaröð)
  • Mark Sheppard sem Ring-forstjórinn (3. þáttaröð)
  • Scott Holroyd sem Justin Sullivan (3. þáttaröð)
  • Linda Hamilton sem Mary Elizabeth Bartowski/Frost (4. þáttaröð)
  • Timothy Dalton sem Alexei Volkoff/Hartley Winterbottom (4. þáttaröð)
  • Lauren Cohan sem Vivian McArthur/Vivian Volkoff (4. þáttaröð)
  • Ray Wise sem Riley (4. þáttaröð)
  • Robin Givens sem Jane Bently (4. þáttaröð)
  • Richard Burgi sem Clyde Decker (4. þáttaröð)
  • Carrie-Anne Moss sem Gertrude Verbanski (5. þáttaröð)

Framleiðsla

Hugmynd

Josh Schwartz og Chris Fedak skrifuðu handritið af fyrsta þættinum sem var gefið grænt ljós á í janúar 2007. Schwartz og Fedak gengu báðir í háskólann í Suður-Kaliforniu og fékk Fedak Schwartz í lið með sér. Joseph Mcginty Nichol, sem var með-framleiðandi Schwartz í The O.C., leikstýrði fyrsta klukkutímanum af þáttaröðinni og varð síðan einn af aðalframleiðundunum í gegnum fyrirtæki sitt, Wonderland Sound and Vision. Fedak, Peter JOhnson, Scott Rosenbaum, Matthew Miller og Allison Adler voru með-framleiðendur. NBC sýndi fyrsta þáttinn fyrr en ætlað var og pantaði seinna 12 þætti til viðbótar. 26. nóvember 2007 var tilkynnt að þættirnir yrðu að annarri þáttaröð, með 22 þáttum.

Ráðningar

Zachary Levi og Adam Baldwin voru fyrstir til þess að vera ráðnir í febrúar 2007 í hlutverk Chuck Bartowski og NSA fulltrúann Major John Casey. Fedak hafði alltaf haft Baldwin í huga fyrir hlutverk Johns Casey og fannst framleiðundunum hann passa fullkomlega í hlutverkið. Nýliðinn Yvonne Strahovski var valin sem aðalleikkonan í hlutverk CIA fulltrúans Söruh Walker í sama mánuði. Ráðningarnar héldu áfram út mars og urðu Sarah Lancaster, Joshua Gomez og Natalie Martinez fyrir valinu í hlutverk Dr. Ellie Bartowksi (eldri systir Chucks), Morgan Grimes (besti vinur Chucks) og Kayla Hart (nágranni Chucks sem er hrifin af honum). Persónan Kayla Hart var ekki með þegar tökur byrjuðu vegna þess að Fedak og Schwartz fannst það vera of ólíklegt og flókinn söguþráður að tvær konur væru að rífast yfir Chuck. Seinna nafni Morgans var breytt í „Grimes“ og seinna nafni Söruh var breytt í „Walker“ en það var áður „Kent“.

Viðtökur

Þrátt fyrir mikla stöðuhækkun frá NBC og með náð fyrir augum gagnrýnenda voru áhorfstölurnar ekki mjög góðar vegna harðrar samkeppni við smelli frá ABC (Dancing with the Stars), FOX (House), og CBS (How I Met Your Mother, The Big Bang Theory) á mánudögum. Áhorfstölurnar báru einnig vott af verkfalli handritshöfunda í fyrstu þáttaröðinni.

Gagnrýnendur

Fyrstu viðbrögð við Chuck voru góð. Tímaritið Rolling Stone setti þáttinn á „We Like to Watch“-listann haustið 2007 og sagði að þátturinn ætti eftir að slá í gegn. Chucks lenti á lista USA Today yfir 10 bestu þætti 2007 og þau sögðu frammistöðu Zachary Levi vera frábæra og gaf þættinum þrjár stjörnur af fjórum.

Þegar árið 2008 fór að nálgast enda fylgdu fleiri gagnrýnendur í kjölfarið. Í desember það ár nefndi tímaritið Time þáttinn einn af 10 bestu þáttum ársins, fleiri aðilar fylgdu í kjölfarið og sást það að þátturinn var orðinn mjög vinsæll og gagnrýnendur kepptust við að lofa hann. Pittsburgh Post-Gazette sagði að Chuck væri einn af fáum ljósum blettum í sjónvarpi 2008.

Verðlaun

Fyrsta þáttaröðin af Chuck fékk mjög mikla athygli. Þátturinn var nefndur nokkuð oft í IGN verðlaununum 2007. Ásamt því að vinna heiðurinn af Bestu nýju sjónvarpsþáttaröðinni vann Sarah Walker verðlaun fyrir Besti sjónvarpskarakterinn og Chuck og Sarah unnu Couple That We Rooted for the Most. Chuck var einnig tilnefndur fyrir Besta nýja gamanþáttaröðin Á People's Choice Awards árið 2008 en tapaði fyrir Samantha Who?. Chuck var líka tilnefndur fyrir „Outstanding Main Title Design“ það ár en vann ekki.

Heimildir

Fyrirmynd greinarinnar var „Chuck (tv series)“ á ensku útgáfu Wikipedia. Sótt júlí 2009.