„Suður-Holland“: Munur á milli breytinga
Luckas-bot (spjall | framlög) m r2.7.1) (robot Bæti við: ia:Hollanda del Sud |
|||
Lína 105: | Lína 105: | ||
[[he:דרום הולנד]] |
[[he:דרום הולנד]] |
||
[[hu:Dél-Holland]] |
[[hu:Dél-Holland]] |
||
[[ia:Hollanda del Sud]] |
|||
[[id:Holland Selatan]] |
[[id:Holland Selatan]] |
||
[[it:Olanda Meridionale]] |
[[it:Olanda Meridionale]] |
Útgáfa síðunnar 1. október 2011 kl. 14:54
Fáni Suður-Hollands | Skjaldarmerki Suður-Hollands |
---|---|
Upplýsingar | |
Höfuðborg: | Haag |
Flatarmál: | 3.418 km² |
Mannfjöldi: | 3.527.449 |
Þéttleiki byggðar: | 1.253/km² |
Vefsíða: | [1] |
Lega | |
Suður-Holland er hérað í Hollandi. Þar eru nokkrar af stærstu borgum landsins og er héraðið bæði það fjölmennasta og þéttbýlasta í Hollandi. Það liggur nær allt neðan sjávarmáls.
Lega og lýsing
Suður-Holland liggur við Norðursjó nær vestast í Hollandi. Stóru árnar Lek, Waal (aðalkvíslar Rínarfljóts) og Maas renna þar til sjávar. Önnur héruð sem að Suður-Hollandi liggja eru Norður-Holland fyrir norðan, Utrecht fyrir norðaustan, Gelderland fyrir austan, Norður-Brabant fyrir suðaustan og Sjáland fyrir sunnan. Íbúar eru 3,4 milljónir talsins og er Suður-Holland þar með fjölmennasta héraðið í Hollandi. Þar eru stórborgir eins og Rotterdam og Haag. Sú síðarnefnda er höfuðborg héraðsins.
Fáni og skjaldarmerki
Skjaldarmerki Suður-Hollands sýnir rautt ljón með bláar klær og tungu á gulum grunni. Ljónið hefur verið merki greifanna af Hollandi síðan á 12. öld. Héraðið Holland skiptist í norður og suður 1840. Það var þó ekki fyrr en 30. desember 1959 að Júlíana drottning veitti héraðinu nýtt skjaldarmerki. Fáninn var ekki tekinn upp fyrr en 1. janúar 1986 og er sniðinn eftir fyrirmynd skjaldarmerkisins.
Orðsifjar
Holland hét upphaflega Holtland (eða Holtlant), sem merkir skógarland. Það var ekki fyrr en 1840 að héraðið Holland skiptist í tvennt, þ.e. í Norður-Holland og Suður-Holland, og voru heitin smíðuð á því ári.
Söguágrip
Í gegnum aldirnar var héraðið Holland eitt fremsta og auðugasta hérað Niðurlanda og var stjórnað af greifunum af Hollandi. Í sjálfstæðisbaráttu landsins á 16. og 17. öld hafði héraðið sig hvað mest frammi. Það var að sama skapi stærsta hérað landsins þegar Holland varð að sjálfstæðu ríki. Þetta varð til þess að heiti héraðsins var gjarnan notað fyrir landið allt. Þegar Frakkar hertóku Holland 1795, skiptu þeir héraðinu í fimm einingar (département). En 1807 var þessum einingum breytt í tvö svæði. Norðurhlutinn kallaðist Amstelland og suðurhlutinn Maasland. Þegar Frakkar hurfu úr Niðurlöndum 1813 voru hlutarnir sameinaðir aftur en yfir þá voru settir tveir ríkisstjórar, einn fyrir norðursvæðið og hinn fyrir suðursvæðið. Þegar stjórnarskrá landsins var endurnýjuð 1840 var ákveðið að aðgreina svæðin varanlega. Þannig mynduðust Norður-Holland með Haarlem að höfuðborg og Suður-Holland með Haag að höfuðborg.
Borgir
Stærstu borgir Suður-Hollands:
Röð | Borg | Íbúar | Ath. |
---|---|---|---|
1 | Rotterdam | 610 þúsund | Næststærsta borg Hollands |
2 | Haag | 494 þúsund | Höfuðborg héraðsins |
3 | Dordrecht | 118 þúsund | |
4 | Zoetermeer | 121 þúsund | |
5 | Leiden | 117 þúsund | |
6 | Westland | 99 þúsund | |
7 | Delft | 97 þúsund | |
8 | Schiedam | 75 þúsund | |
9 | Spijkenisse | 72 þúsund | |
10 | Leidschendam-Voorburg | 72 þúsund | |
11 | Alphen aan den Rijn | 72 þúsund | |
12 | Vlaardingen | 71 þúsund | |
13 | Gouda | 71 þúsund |
Heimildir
Fyrirmynd greinarinnar var „Zuid-Holland“ á hollensku útgáfu Wikipedia. Sótt 30. ágúst 2011.