Skandinavía

Skandinavíuskaginn á gervihnattamynd.

Skandinavía er fornt hugtak sem hefur ekki einhlíta merkingu hvorki á íslensku né öðrum málum. Talið er að orðsifjar orðsins séu norska orðið skodde sem merkir þoka og avia eða aujo sem er norskt að uppruna merkir eyja. Greina má milli þriggja nota:

• Skandinavía sem landafræði- og jarðfræðilegt hugtak yfir það svæði og þau lönd (Noregur og Svíþjóð) sem eru á Skandinavíuskaga.

• Skandinavía sem pólitískt og menningarlegt hugtak yfir þau samfélög sem hafa skandinavísk mál sem móðurmál, þ.e.a.s. dönsku, norsku eða sænsku.

• Á mörgum tungumálum (sérlega enskumælandi löndum) er Skandinavía notað sem samheiti yfir Norðurlönd. Það er að auk Danmörkur, Noregs og Svíþjóðar eru einnig Finnland, Ísland, Áland, Færeyjar og Grænland talin tilheyra Skandinavíu.

Tengill

• „Tilheyrir Ísland raunverulega Skandinavíu eða er það bara talið með Norðurlöndunum vegna skyldleika?“. Vísindavefurinn.