Keiko Fujimori
Keiko Fujimori | |
|---|---|
.jpg) Keiko Fujimori árið 2026. | |
| Fædd | Keiko Sofía Fujimori Higuchi 25. maí 1975 |
| Þjóðerni | Perúsk |
| Menntun | Stony Brook-háskóli Boston-háskóli (BS) Columbia-háskóli (MBA) |
| Störf | Stjórnmálamaður |
| Flokkur | Alþýðuvaldið |
| Maki | Mark Villanella (g. 2004; sk. 2022) |
| Börn | 2 |
| Foreldrar | Alberto Fujimori (faðir) Susana Higuchi (móðir) |
| Undirskrift | |
 | |
Keiko Sofía Fujimori Higuchi (f. 25. maí 1975) er perúsk stjórnmálakona og verðandi forseti Perú. Hún er elsta dóttir fyrrum forsetans Alberto Fujimori og er merkisberi fujimorismans, íhaldssamrar stjórnmálastefnu sem nefnd er eftir föður hennar. Hún hefur verið leiðtogi Alþýðuvaldsins, stjórnmálaflokks fujimorista, frá árinu 2010. Fujimori gegndi embættisskyldum forsetafrúr Perú frá 1994 til 2000 og sat á þingi fyrir kjördæmi í Líma frá 2006 til 2011. Keiko Fujimori bauð sig fram til forseta Perú og komst í aðra kosningaumferð árin 2011, 2016 og 2021 og vann loks sigur í seinni umferð árið 2026. Til stendur að hún taki við forsetaembætti 28. júlí 2026. Hún er fyrsta konan sem hefur verið kjörin forseti Perú.
Keiko Fujimori fæddist í Líma og er dóttir Alberto Fujimori og Susönu Higuchi. Hún tók við embætti forsetafrúar þegar hún var 19 ára árið 1994, eftir að faðir hennar veik móður hennar úr embættinu við skilnað hjónanna. Keiko Fujimori fór með embættisskyldur forsetafrúar þar til stjórn föður hennar hrundi árið 2000. Hún nam viðskiptastjórnun í Bandaríkjunum við Stony Brook-háskóla og Boston-háskóla og síðar við Columbia-háskóla. Fujimori stjórnmálaferil í eigin nafni árið 2006 og var þá kjörin á þing með metfjölda atkvæða. Árið 2010 tók hún við forystu flokks fujimorista, sem síðar var nefndur Alþýðuvaldið (Fuerza Popular).
Fujimori hefur þrisvar forsetakosningum í seinni umferð með litlum atkvæðamun, gegn Ollanta Humala árið 2011, Pedro Pablo Kuczynski árið 2016 og Pedro Castillo árið 2021. Árið 2018 hófust málaferli gegn Fujimori í tengslum við Odebrecht-spillingarhneykslið, þar sem hún var sökuð um að þvætta illa fengið fé með kosningaherferðum sínum. Hún var rúmt ár í gæsluvarðhaldi fram að réttarhöldum en var sleppt árið 2020.[1] Eftir ósigur sinn í seinni kosningaumferðinni 2021 sakaði hún andstæðing sinn um kosningasvik, sem alþjóðlegir eftirlitsmenn féllust ekki á. Annarri spillingarákæru gegn Fujimori var vísað frá dómi stuttu áður en hún bauð sig fram til forseta að nýju árið 2026. Í þessari atrennu að forsetaembættinu vann Fujimori nauman sigur í seinni umferð gegn Roberto Sánchez.[2][3]
Tilvísanir
[breyta | breyta frumkóða]- ↑ Atli Ísleifsson (29. janúar 2020). „Fujimori fangelsuð á ný“. Vísir. Sótt 4. júlí 2026.
- ↑ „Annar sigur hægrimanna í Suður-Ameríku“. mbl.is. 24. júní 2026. Sótt 4. júlí 2026.
- ↑ Grétar Þór Sigurðsson (24. júní 2026). „Fujimori komin með óyfirstíganlegt forskot á Sanchez“. RÚV. Sótt 4. júlí 2026.
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.