Körfuknattleiksfélagið Gosi
| KFR | |
|---|---|
| Stofnað | 25. desember 1951 (sem Gosi) |
| Saga | Gosi (1951–1957) KFR (1957–1970) Valur (1970–2000) Valur/Fjölnir (2000–2001) Valur (2001–nú) |
| Staðsetning | Reykjavík, Ísland |
Körfuknattleiksfélagið Gosi síðar Körfuknattleiksfélag Reykjavíkur var reykvískt íþróttafélag sem stofnað var 25. desember 1951. Árið 1970 gekk það inn í Val og varð að körfuknattleiksdeild þess.
Saga
[breyta | breyta frumkóða]Körfuknattleiksfélagið Gosi var stofnað af nokkrum nemendum í Menntaskólanum í Reykjavík. Líkt og nafnið gefur til kynna fylgdi takmörkuð alvara máli. Félagið fékk ekki formlega aðild að Íþróttabandalagi Reykjavíkur fyrst í stað og keppti því sem gestalið á fyrsta Íslandsmótinu í körfubolta sem fram fór á árinu 1952. Félagið vann til Íslandsmeistaratitla í yngri flokkum undir þessu heiti sínu næstu árin.[1] Guðmundur Georgsson var formaður félagsins flestöll fyrstu árin.
Í lok árs 1957 var ákveðið að breyta nafni félagsins í Körfuknattleiksfélag Reykjavíkur (KFR). Um leið var tilkynnt um ráðningu Evalds Mikson sem aðalþjálfara félagsins.[2] Undir hinu nýja heiti urðu liðsmenn Körfuknattleiksfélags Reykjavíkur tvívegis Reykjavíkurmeistarar, auk þess sem starf yngri flokka stóð í blóma. Í september 1970 gekk félagið í Val og varð að körfuknattleiksdeild þess.
Tilvísanir
[breyta | breyta frumkóða]- ↑ Skafti Hallgrímsson (2001): 37.
- ↑ „Morgunblaðið 2. febrúar 1958“.
Heimildir
[breyta | breyta frumkóða]- Skafti Hallgrímsson. (2001). Leikni ofar líkamsburðum. Saga körfuknattleiks á Íslandi í hálfa öld. Reykjavík: KKÍ.