Köfnunarefnishringrás

Skýringarmynd sem sýnir köfnunarefnishringrásina: áburðarframleiðsla, niturbinding á landi, niturbinding í sjó, niturbinding í landbúnaði, nituroxíð losað við brennslu lífmassa, nituroxíð losað úr jarðvegi, nituroxíð gert af eldingum, ammóníak losað í þurrlendisvistkerfum, dreifing köfnunarefnis um yfirborð lands og sjávar, ammóníakslosun úr sjó, niturdíoxíð flutt í sjó úr andrúmslofti, nítrateyðing sjávar, og niðurfelling hvarfgjarns köfnunarefnis á sjávarbotni.

Köfnunarefnishringrás eða niturhringrás jarðar er næringarefnahringrás þar sem köfnunarefni umbreytist við að ferðast milli andrúmslofts, þurrlendis og sjávar. Breyting köfnunarefnisins ræðst bæði af efnislegum og lífrænum ferlum. Þeirra á meðal eru niturbinding, ammoníaksmyndun, nítratmyndun og nítrateyðing. Megnið af gufuhvolfinu (78%) er gert úr köfnunarefni. Það er þannig helsta uppspretta köfnunarefnis á jörðinni. Það nýtist hins vegar lífrænum ferlum takmarkað sem veldur köfnunarefnisskorti í mörgum tegundum vistkerfa.

Vistfræðingar horfa mikið á köfnunarefnishringrásina þar sem hún getur haft áhrif á lykilferla í vistkerfum; eins og frumframleiðslu og rotnun. Aðgerðir manna, eins og brennsla jarðefnaeldsneytis, notkun köfnunarefnisáburðar, og losun köfnunarefnis í ferskvatn, hafa áhrif á köfnunarefnishringrásina. Þessi áhrif geta haft neikvæðar afleiðingar fyrir vistkerfi jarðar og heilsu manna.

Tilvísanir

  Þessi grein er stubbur. Þú getur hjálpað til með því að bæta við greinina.