Kóreusund

Kóreusundið

Kóreusund er sund í Austur-Asíu, milli Kóreuskagans og Japans. Það tengir Austur-Kínahaf, Gulahaf og Japanshaf í norðvestanverðu Kyrrahafi. Sundið skiptist við Tsushima-eyju í vesturleiðina og austurleiðina, eða Tsushima-sund. Það er efnahagslega mikilvægt þar sem margar siglingaleiðir liggja um það, og bæði Japan og Suður-Kórea leyfa frjálsa för þar um.

Í fornöld fóru bæði búddistar og mongólskir innrásarmenn yfir sundið til að komast til Japans. Á 20. öld varð það vettvangur orrustunnar í Kóreusundi árið 1950 í Kóreustríðinu. Lagt hefur verið til að gera neðansjávargöng undir sundið milli landanna tveggja. Fyrst var stungið upp á því árið 1917, en þau hafa enn ekki orðið að veruleika.