José Antonio Kast
| José Antonio Kast | |
|---|---|
 José Antonio Kast árið 2026. | |
| Forseti Síle | |
Núverandi | |
| Tók við embætti 11. mars 2026 | |
| Forveri | Gabriel Boric |
| Persónulegar upplýsingar | |
| Fæddur | 18. janúar 1966 Santíagó, Chile |
| Þjóðerni | Síleskur |
| Stjórnmálaflokkur | Lýðveldisflokkurinn |
| Maki | Pía Adriasola (g. 1991) |
| Börn | 9 |
| Háskóli | Pontificia Universidad Católica de Chile |
| Undirskrift |  |
José Antonio Kast Rist (f. 18. janúar 1966) er síleskur stjórnmálamaður og núverandi forseti Síle. Hann er leiðtogi síleska Lýðveldisflokksins og var kjörinn forseti í annarri umferð forsetakosninga Síle í desember 2025.
Bakgrunnur
[breyta | breyta frumkóða]Kast er sonur Michaels Kast, þýsks innflytjanda sem hafði verið lautinant í þýska hernum og meðlimur í Nasistaflokknum. Michael Kast hafði flúið til Rómönsku Ameríku eftir ósigur Þýskalands í seinni heimsstyrjöldinni. Eldri bróðir José Antonios, Miguel Kast, var ráðherra og seðlabankastjóri í einræðisstjórn Augusto Pinochet hershöfðingja á níunda áratugnum.[1] Kast er lögmaður að atvinnu.[2]
Stjórnmálaferill
[breyta | breyta frumkóða]Kast hefur þrisvar sinnum boðið sig fram til forseta Síle. Í forsetakosningum árið 2017 hlaut hann 8% atkvæðanna og árið 2021 tapaði hann í seinni umferð kosninganna fyrir Gabriel Boric. Árið 2024 hlaut hann tæpan fjórðung atkvæða í fyrri umferð kosningnana, sem fóru fram 16. nóvember, litlu minna en vinstrisinnaði frambjóðandinn Jeanette Jara. Þar sem enginn hlaut meirihluta atkvæða var efnt til annarrar kosningaumderðar 14. desember 2025.[2] Í seinni umferðinni vann Kast afgerandi sigur með 58% atkvæða gegn 41,7% sem Jara hlaut.[3] Áætlað er að Kast taki við forsetaembætti 11. mars 2026.[4]
Eftir forsetakosningarnar 2017 stofnaði Kast síleska Lýðveldisflokkinn, sem hann hefur leitt frá upphafi.[1]
Stjórnmálaskoðanir
[breyta | breyta frumkóða]Kast hefur verið lýst sem róttækum íhaldsmanni og fjarhægrisinna. Hann hefur oft farið fögrum orðum um síleska einræðisherrann Augusto Pinochet, sem tók völdin í landinu í valdaráni gegn þáverandi forsetanum Salvador Allende árið 1973. Kast hefur lagt áherslu á að hann vilji láta framfylgja lögum og reglum með harðri hendi og stöðva innflutning fólks frá fátækari ríkjum Rómönsku Ameríku. Hann er andstæðingur frjálsra þungunarrofa og hjónabands samkynhneigðra,[2] auk þess sem hann hefur talað fyrir því að neyðargetnaðarvarnarpillur verði bannaðar.[1] Honum hefur verið stillt upp á milli leiðtoga á borð við Donald Trump í Bandaríkjunum og Nigel Farage í Bretlandi. Kast er ekki talinn eins róttækur og hinn brasilíski Jair Bolsonaro eða hinn argentínski Javier Milei og er talinn sýna lýðræðislegum leikreglum meiri virðingu en ýmsir íhaldssamir leiðtogar sem hann hefur verið borinn saman við.[2]
Tilvísanir
[breyta | breyta frumkóða]- 1 2 3 „Who is Jose Antonio Kast, the far-right front-runner for Chile's presidency?“. Reuters. 11. desember 2025.
- 1 2 3 4 Littauer, Matias Ludvig (17. nóvember 2025). „Chile står til at få sin første højreekstreme præsident siden Pinochet“. Information (danska).
- ↑ Kirkebæk-Johansson, Laura (15. desember 2025). „Chiles nye præsident vil deportere migranter og har hyldet brutal diktator“. DR (danska).
- ↑ Rogero, Tiago (14. desember 2025). „Ultra-conservative José Antonio Kast elected Chile's next president“. The Guardian.
| Fyrirrennari: Gabriel Boric |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.