Joe Rogan

Joe Rogan (fæddur 11. ágúst 1967) er bandarískur þáttastjórnandi, uppistandari, leikari og sjónvarpsmaður. Hann er meðal annars þekktur fyrir leik sinn í sjónvarpsþáttunum News Radio, sem umsjónarmaður Fear Factor og fyrir það að lýsa bardögum í blönduðum bardagaíþróttum (MMA). Hann stýrir hlaðvarpsþættinum The Joe Rogan Experience sem er einn sá vinsælasti í heimi. Í þættinum fær hann ýmsa gesti til sín af fjölbreyttum bakgrunnum. Árið 2020 gerði hann samning við Spotify um kaup á þættinum sem er metinn á um 100 milljónir dala og í kjölfarið fluttust allir hlaðvarpsþættirnir yfir á Spotify.

Tónlistarmennirnir Neil Young og Joni Mitchell gagnrýndu Joe í janúar 2022 fyrir að dreifa fölskum upplýsingum um COVID-19 í þættinum en hann ræddi við lækni sem var gagnrýninn á bólusetningar. Joe tók gagnrýnina til sín og sagðist ætla að bjóða upp á umræðu sem sýndi aðrar hliðar. Hann ætlaði sér ekki að breiða út rangar upplýsingar. ^[1]