Jes Einar Þorsteinsson

Jes Einar við eitt af höfuðverkum sínum Sjúkrahúsinu á Ísafirði.

Jes Einar Þorsteinsson (5. september 1934 - 30. júní 2024) var íslenskur arkitekt.

Starfsferill

Jes Einar var arkitekt. Eftir hann liggur fjöldi þekktra bygginga, sérstaklega heilbrigðis- og íþróttamannvirki. Má þar helst nefna  Sjúkrahúsið á Ísafirði, viðbyggingu við sjúkrahúsið á Stykkishólmi, Heilsugæslu og Tónlistarskóla á Seltjarnarnesi ásamt fjölda annarra heilusgæsla víða um land.

Eftir hann liggur sömuleiðis fjöldi íþróttamannvirkja, ekki síst sundlaugar m.a.  í Bolungarvík, Borgarnesi,  Flateyri og Skeiðalaug auk viðbyggingar við Laugardalslaug og Vesturbæjarlaug. Þessu til víðbótar teiknaði hann íbúðir fyrir aldraða á Vík í Mýrdal og einbýlishús auk verðlaunaðra tillagna í samkeppnum.

Menntun

Jes Einar útskrifaðist sem stúdent frá MR 1954, nam málaralist í París frá 1954 til 1956, m.a. á Académie de la Grande Chaumière en útskrifaðist úr arkitektúr frá École Nationale Supérieure des Beaux-Arts í París 1967. Eftir heimkomuna til Íslands það ár rak hann arkitektastofu í eigin nafni .

1963 og 1964 hélt hann tvær myndlistarsýningar í Ásmundarsal og eru verk eftir hann í eigu Listasafns Íslands og fleiri safna.   Hönnunarsafn Íslands tók við teikningasafni hans til varðveislu á síðasta ári.

Hús hönnuð af Jes Einari

Sjúkrahús og heilsugæslustöðvar

• Sjúkrahúsið á Ísafirði
• Sjúkrahúsið í Stykkishólmi

• Heilsugæslustöð á Seltjarnarnarnesi (sambyggð tónlistarskóla og bókasafni)
• Heilsugæslustöðin í Búðardal
• Heilsugæslustöðin í Bolungarvík
• Heilsugæslustöðin á Þórshöfn
• Heilsugæslustöðin á Fáskrúðsfirðið
• Heilsugæslustöðin á Kirkjubæjarklaustri
• Heilsugæslustöðin í Vík í Mýrdal
• Heilsugæslustöðin á Hvolsvelli
• Heilsugæslustöðin á Hólmavík

Íþróttahús og sundlaugar

• Íþróttahús og sundlaug í Njarðvík
• Íþróttahús og sundlaug í Borgarnesi
• Íþróttahús í Ólafsvík, innréttingar
• Íþróttahús og sundlaug á Sauðárkróki, innréttingar og saunabað
• Íþróttahús á Hellissandi
• Íþróttahús og sundlaug í Bolungarvík (Bolungarvík)
• Íþróttahús og sundlaug á Laugum í Reykjadal
• Íþróttahús á Reyðarfirði
• Íþróttahús og sundlaug á Kirkjubæjarklaustri
• Íþróttahús og sundlaug á Flateyri
• Sundlaug í Brauterholti á Skeiðum (Skeiðalaug)
• Laugardalslaug - Búningsherbergi og heitur pottur viðbygging
• Vesturbæjarlaug - Innréttingar, saunbað og eymbað

Aðrar byggingar

• Hitaveita Akraness og Borgarfjarðar
• Íbúðir fyrir aldraða í Vík í Mýrdal
• Kirkjubæjarskóli á Síðu
• Kapella og íbúðir fyrir St. Francis nunnur í Stykkishólmi
• Grjótasel 19, Stuðlasel 33, Einilundur 10, Vogaland 2 í Reykjavík auk fjölda annarra íbúðarhús viðsvegar um Ísland.

Á þeesu korti má sjá staðsetningu bygginga sem Jes Einar hefur hannað á Íslandi.

Félagsmál

Samhliða stofurekstri sinnti Jes Einar ábyrgðarstörfum fyrir arkitekta, var í stjórn  Arkitektafélags Íslands í samtals sex ár og þar af formaður 1984-86. Hann sat í stjórn Bandalags Íslenskra listamanna og í stjórn Listskreytingasjóðs fyrir arkitekta á sama tíma. Jes Einar var formaður stjórnar ÍSARK-Íslenska arkitektaskólans meðan hann starfaði og var kjörinn heiðursfélagi í Arkitektafélagi Íslands 2013.