Jerry Krause
| Persónulegar upplýsingar | |
|---|---|
| Fæðingardagur | 6. apríl 1939 Chicago, Illinois, Bandaríkin |
| Dánardagur | 21. mars 2017 (77 ára) Chicago, Illinois, Bandaríkin |
| Körfuboltaferill | |
| Háskólalið | Bradley University |
Jerome Richard Krause (6. april 1939 – 21. mars 2017) var bandarískur íþróttastjóri og leikmannanjósnari. Hann er best þekktur fyrir starf sitt sem framkvæmdarstjóri Chicago Bulls árunum 1985 til 2003 og er almennt kallaður arkítekt gullaldarliðs Bulls sem vann sex NBA meistaratitla á árunum 1991 til 1998.[1][2][3] Hann var tvívegis valinn framkvæmdarstjóri ársins í deildinni og var valinn í bandarísku Naismith körfuboltaheiðurshöllina árið 2017.
Á ferli sínum starfaði hann einnig sem njósnari fyrir fjölda liða, bæði í körfubolta og hafnarbolta, meðal annars Baltimore Bullets, Phoenix Suns, Philadelphia 76ers, Los Angeles Lakers, Chicago White Sox, New York Yankees og New York Mets.[4]
Fljótlega eftir að hann tók við sem framkvæmdarstjóri hjá Bulls réði hann Tex Winter og Phil Jackson sem aðstoðarþjálfara. Hann fékk svo Scottie Pippen og Horace Grant til liðsins árið 1987 og skipti Charles Oakley til Knicks í staðinn fyrir Bill Cartwright árið 1988, en allir þrír voru byrjunarliðsmenn í fyrstu þremur titlum félagsins. Árið 1989 skipti hann út aðalþjálfara liðsins, Doug Collins, fyrir Jackson en hann og Winter tóku upp þríhyrnings-sóknarkerfið sem varð megin leikkerfi liðsins í öllum sex meistaratitlunum.[4]
Eftir að Jordan lagði skóna stuttlega á hilluna á milli 1993 og 1995, fékk Krause þá Ron Harper, Toni Kukoč og Dennis Rodman til félagsins en allir reyndust lykilmenn í næstu þremur meistaratitlum Bulls.[4][5]
Gullaldarliðið leystist upp eftir titilinn 1998 en mikil þreyta var komin upp í samskiptum á milli eiganda, stjórnenda, þjálfara og leikmanna og hurfu Jordan, Pippen, Rodman ásamt Jackson á braut. Krause hélt áfram starfi sínu þangað til hann sagði upp fyrri part árs 2003.[4]
Titlar og viðurkenningar
[breyta | breyta frumkóða]Titlar
[breyta | breyta frumkóða]- NBA-deildin (6): 1991, 1992, 1993, 1996, 1997, 1998
- McDonald's meistaramótið (1): 1997
Viðurkenningar
[breyta | breyta frumkóða]- Framkvæmdarstjóri ársins í NBA (2): 1988, 1996
- Naismith körfubolta heiðurshöllin: 2017
- Heiðurshringur Chicago Bulls: 2024
Tilvísanir
[breyta | breyta frumkóða]- ↑ Andrew Lawrence (19 janúar 2024). „Jerry Krause deserved better than boos at the Bulls he helped soar“. The Guardian (bresk enska). ISSN 0261-3077. Sótt 27. desember 2025. „Jerry Krause, the architect of the team's 1990s dynasty, died in 2017 [..]“
- ↑ „Jerry Krause, Architect Of Bulls' 6 Championships, Dies At 77 - CBS Chicago“. www.cbsnews.com (bandarísk enska). 21. mars 2017. Sótt 27. desember 2025.
- ↑ Matt Giles (24. mars 2017). „Remembering Jerry Krause, Architect Behind the Greatest NBA Team Ever Assembled“. Longreads (bandarísk enska). Sótt 27. desember 2025.
- 1 2 3 4 „Bulls dynasty architect Krause dies at 77“. ESPN.com (enska). 21. mars 2017. Sótt 27. desember 2025.
- ↑ „Jerry Krause, former Chicago Bulls GM, dies at age 77 | NBA.com“. NBA (enska). Sótt 27. desember 2025.