Jerome Powell
| Jerome Powell | |
|---|---|
.jpg) Powell árið 2022. | |
| Seðlabankastjóri Bandaríkjanna | |
Núverandi | |
| Tók við embætti 5. febrúar 2018 | |
| Forseti | Donald Trump Joe Biden |
| Forveri | Janet Yellen |
| Persónulegar upplýsingar | |
| Fæddur | 4. febrúar 1953 Washington, D.C., Bandaríkjunum |
| Stjórnmálaflokkur | Repúblikanaflokkurinn |
| Maki | Elissa Leonard (g. 1985) |
| Börn | 3 |
| Háskóli | Princeton-háskóli (BA) Georgetown-háskóli (JD) |
| Undirskrift |  |
Jerome Hayden Powell (f. 4. febrúar 1953) er bandarískur lögmaður og bankamaður. Hann er núverandi bankastjóri Seðlabanka Bandaríkjanna frá árinu 2018.
Powell er álitinn hófsamur Repúblikani. Eignir hans eru metnar upp á um 61 milljón Bandaríkjadala.[1]
Æviágrip
[breyta | breyta frumkóða]Jerome Powell útskrifaðist með gráðu í stjórnmálafræði frá Princeton-háskóla árið 1975 og í lögfræði frá Georgetown-háskóla árið 1979.[2] Ólíkt sumum fyrri seðlabankastjórum Bandaríkjanna er hann ekki með doktorsgráðu í hagfræði.[1]
Powell hóf starfsferil sinn í lögmennsku. Árið 1984 hóf hann störf við fjárfestingabankann Dillon, Read and Company í New York.[3]
Árið 1993 varð Powell aðstoðarfjármálaráðherra í ríkisstjórn George H. W. Bush.[4] Eftir kjör Bills Clinton hóf hann störf hjá bankanum Bankers Trust árið 1993.[3] Powell átti í tengslum við eignastýringarfélagið Carlyle Group frá 1997 til 2005.[5]
Í desember 2011 útnefndi Barack Obama Powell formlega í bankastjórn Seðlabanka Bandaríkjanna.[6] Tilnefning hans var samþykkt af öldungadeild Bandaríkjaþings árið 2012. Þann 2. nóvember 2017 skipaði Donald Trump hann opinberlega seðlabankastjóra Bandaríkjanna[7] í stað fráfarandi bankastjórans Janet Yellen. Öldungadeildin samþykkti skipun hans þann 23. janúar 2018 með 84 atkvæðum gegn 13.[8] Powell tók við embætti þann 5. febrúar sama ár.
Í desember 2018 gagnrýndi Trump forseti háa stýrivaxtastefnu seðlabankans undir stjórn Powell.[9] Hann lýsti yfir áhuga á að reka Powell en þar sem bandarísk lög tryggja sjálfstæði seðlabankans hefur hann ekki heimild til þess.[10]
Í október 2020 seldi Powell hluta sinn í hlutabréfasjóðnum Vanguard, sem inniheldur ýmis fyrirtæki með skráningu í kauphöll Bandaríkjanna, fyrir andvirði einnar til fimm milljóna dollara. Þessi viðskipti, sem voru gerð stuttu fyrir hrun í verðbréfamörkuðum á Wall Street, leiddi til ásakana gegn Powell um hagsmunaárekstur. Vinstri armur Demókrataflokksins hvatti Joe Biden til að endurútnefnda Powell ekki í embætti seðlabankastjóra.[11] Þann 5. nóvember 2021 endurútnefndi Biden Powell engu að síður seðlabanlastjóra til annars fjögurra ára tímabils.[12] Öldungadeildin staðfesti endurútnefningu hans þann 12. maí með 80 atkvæðum gegn 19.[13]
Tilvísanir
[breyta | breyta frumkóða]- ↑ 1,0 1,1 „Bond de 40 % de la richesse du président de la banque centrale américaine en 2020“. Les Echos (franska). 17. september 2021. Sótt 18. september 2021.
- ↑ „The Fed - Jerome H. Powell“. Board of Governors of the Federal Reserve System (enska). 19/10/2017. Sótt 19. desember 2017.
- ↑ 3,0 3,1 Appelbaum, Binyamin; Granville, Kevin (2 nóvember 2017). „Who Is Jerome Powell: Trump's Pick for Fed Chairman“. The New York Times (bandarísk enska). ISSN 0362-4331. Sótt 28. desember 2018.
- ↑ „Jerome H. Powell“. Forbes (enska). Sótt 28. desember 2018.
- ↑ „Fed. Qui est Jerome Powell, le financier le plus puissant du monde ?“. ouest-france.fr. 3 nóvember 2017. Sótt 28. desember 2018.
- ↑ USA : nominations au conseil de la Fed, Le Figaro, 27. desember 2011.
- ↑ Donald Trump choisit Jerome Powell pour diriger la Fed, Le Figaro, 2. nóvember 2017.
- ↑ „Le buzz des Etats-Unis : le gouverneur de la Fed confirmé à une semaine de sa prise de fonction“. lesechos.fr (franska). 24 janúar 2018. Sótt 24 janúar 2018.
- ↑ Ram Etwareea (19. desember 2018). „Donald Trump exige que la Fed fasse une pause“. Le Temps (franska). ISSN 1423-3967. Sótt 27. desember 2018.
- ↑ „Pourquoi Donald Trump veut aussi se débarrasser de Jerome Powell (Fed)“. La Tribune (franska). Sótt 27. desember 2018.
- ↑ „Fed : le président Jerome Powell lui aussi mis en cause pour des transactions boursières“. Le Figaro (franska). 19 október 2021.
- ↑ „Biden Sticks With Powell as Fed Chair, Resisting Political Pressure“. The New York Times (enska). 22 11 2021.
- ↑ „Jerome Powell reconduit à la tête de la Fed pour un second mandat“. Le Point. 12 5 2022.