Jens-Frederik Nielsen
| Jens-Frederik Nielsen | |
|---|---|
.jpg) Nielsen árið 2025. | |
| Formaður landstjórnar Grænlands | |
Núverandi | |
| Tók við embætti 28. mars 2025 | |
| Þjóðhöfðingi | Friðrik 10. |
| Forveri | Múte Bourup Egede |
| Persónulegar upplýsingar | |
| Fæddur | 22. júní 1991 |
| Þjóðerni | Grænlenskur |
| Stjórnmálaflokkur | Demokraatit |
| Háskóli | Háskóli Grænlands |
Jens-Frederik Nielsen (f. 22. júní 1991) er grænlenskur stjórnmálamaður og badmintonspilari. Nielsen er formaður grænlenska Lýðræðisflokksins (Demokraatit).[1]
Æviágrip
[breyta | breyta frumkóða]Jens-Frederik Nielsen hefur numið félagsvísindi við Háskóla Grænlands (Ilisimatusarfik) í Nuuk. Nielsen sinnti stjórnsýslustörfum fyrir grænlenska Lýðræðisflokkinn, Demokraatit, þar til hann var útnefndur vinnu- og auðlindaráðherra í sjöundu ríkisstjórn Kims Kielsen þann 29. maí 2020. Þann 8. júní 2020 var Nielsen kjörinn nýr flokksleiðtogi án mótframboðs. Í þingkosningum Grænlands árið 2021 tapaði Lýðræðisflokkurinn illa og Jens Frederik Nielsen hlaut ekki nema þriðja flest atkvæði af frambjóðendum flokksins og hið síðasta af þremur þingsætum sem flokkurinn vann. Flokkurinn lenti hins vegar í fyrsta sæti í þingkosningum Grænlands árið 2025 og Nielsen hlaut flest atkvæði allra frambjóðenda.[2]
Badmintonferill
[breyta | breyta frumkóða]Nielsen varð Grænlandsmeistari í badminton í fyrsta skipti árið 2012 og hefur síðan þá unnið mörg verðlaun. Hann hefur einnig tekið þátt í Eyjaleikunum nokkrum sinnum.
Tilvísanir
[breyta | breyta frumkóða]Tenglar
[breyta | breyta frumkóða]- Jens-Frederik Nielsen hjá Alþjóða badmintonsambandinu
- Grænlandsmeistarar 1980 - 2015 Geymt 13 mars 2025 í Wayback Machine