Jennifer Geerlings-Simons
| Jennifer Geerlings-Simons | |
|---|---|
 Simons árið 2025. | |
| Forseti Súrínam | |
Núverandi | |
| Tók við embætti 16. júlí 2025 | |
| Varaforseti | Gregory Rusland |
| Forveri | Chan Santokhi |
| Persónulegar upplýsingar | |
| Fædd | 5. september 1953 Paramaríbó, Súrínam |
| Þjóðerni | Súrínömsk |
| Stjórnmálaflokkur | Þjóðarlýðræðisflokkurinn |
| Maki | Glenn Geerlings (g. 1981) |
| Börn | 3 |
| Háskóli | Anton de Kom-háskóli |
Jennifer Geerlings-Simons (f. Simons 5. september 1953[1]) er súrínamskur læknir og stjórnmálamaður sem er núverandi forseti Súrínam.[2] Hún var forseti súrínamska þingsins frá 2010 til 2020.[3] Árið 2024 varð hún leiðtogi Þjóðarlýðræðisflokksins.[4] Eftir að flokkurinn vann nauman sigur í þingkosningum árið 2025 var hún kjörin forseti þann 6. júlí 2025.[5] Hún er fyrsti kvenforseti í sögu landsins.
Æviágrip
[breyta | breyta frumkóða]Simons var kjörin á þing í fyrsta sinn árið 1996 fyrir kjördæmi í Paramaríbó. Hún var einn af varaformönnum Þjóðarlýðræðisflokksins, sem var stofnaður af Desi Bouterse. Hún var þingflokksforingi flokksins frá 2000 til 2006. Í apríl 2012 sökuðu þingmenn stjórnarandstöðunnar Simons um gerræðislega hegðun vegna ákvörðunar hennar um að banna þingmönnum að vísa til laga sem veittu fremjendum desembermorðanna 1982 sakaruppgjöf í umræðum um lög gegn eltihrellum.[6]
Þann 20. júní 2020 tilkynnti Simons að hún hygðist hætta í stjórnmálum. Hún hafði náð kjöri í þingkosningum landsins sama ár en ákvað að taka ekki sæti á þingi. Stephen Tsang, sem var fyrir neðan hana á kjörlista flokksins, tók sæti hennar.[7]
Þann 13. júlí 2024 tók Simons við af Desi Bouterse sem leiðtogi Þjóðarlýðræðisflokksins.[4] Næsta ár leiddi hún flokkinn til sigurs í þingkosningum. Flokkurinn gerði stjórnarsáttmála við fimm aðra flokka til að styðja kjör Simons til forseta. Saman eiga flokkarnir 34 þingsæti, sem nemur tveimur þriðju sætanna á þingi.[8] Þann 3. júlí tilkynnti Framfarasinnaði umbótaflokkurinn, sem leiddi fráfarandi samsteypustjórn, að hann myndi ekki bjóða fram forsetaefni gegn Simons. Enginn annar flokkur tilkynnti framboð innan framboðsfrestsins og því var kjör Simons tryggt.[9] Hún var kjörin án mótframboðs þann 6. júlí með Gregory Rusland, leiðtoga Þjóðarflokksins, sem varaforseta.[10]
Einkahagir
[breyta | breyta frumkóða]Simons giftist Glenn Geerlings árið 1981. Þau eiga þrjú börn.
Geerlings-Simons er læknir að mennt.[11] Hún útskrifaðist með gráðu í læknisfræði frá Anton de Kom-háskólanum í Súrínam.[12]
Tilvísanir
[breyta | breyta frumkóða]- ↑ „H.E. Jennifer Geerlings-Simons – Global Summit of Women Speakers of Parliament“.
- ↑ Kuipers, Ank. „Suriname parliament elects Simons as first female president“. Reuters.
- ↑ „Geerlings-Simons herkozen als voorzitter met 1 stem uit oppositie“ (hollenska). De Surinaamse Krant. Afritað af uppruna á 4. mars 2016. Sótt 15 júlí 2015.
- 1 2 „Jennifer Simons gekozen tot nieuwe voorzitter NDP“. Waterkant.net (hollenska). 14 júlí 2024. Sótt 16 júlí 2024.
- ↑ „DNA kiest Simons tot president en Rusland tot vp“ (hollenska). 6 júlí 2025. Sótt 6 júlí 2025.
- ↑ „Nieuw Front in het geweer tegen dictatuur in Suriname“. Waterkant.Net. 23 nóvember 2011. Sótt 14 júlí 2016.
- ↑ „Jennifer Simons neemt na 24 jaar afscheid van DNA“. Star Nieuws (hollenska). Sótt 21 júní 2020.
- ↑ „Geerlings-Simons set to be Suriname's first woman president“. France 24. 3 júlí 2025. Sótt 4 júlí 2025.
- ↑ „Geerlings-Simons set to be Suriname's first woman president“. France 24. 3 júlí 2025. Sótt 4 júlí 2025.
- ↑ „Suriname parliament elects Simons as first female president“. Staboek News. 6 júlí 2025.
- ↑ „Jennifer Geerlings-Simons (1953- )“.
- ↑ „H.e. Jennifer Geerlings-Simons“.
| Fyrirrennari: Chan Santokhi |
|
Eftirmaður: Enn í embætti | |||