Júlía Svyrydenko
| Júlía Svyrydenko | |
|---|---|
| Юлія Свириденко | |
 Svyrydenko árið 2025. | |
| Forsætisráðherra Úkraínu | |
Núverandi | |
| Tók við embætti 17. júlí 2025 | |
| Forseti | Volodymyr Zelenskyj |
| Forveri | Denys Sjmyhal |
| Persónulegar upplýsingar | |
| Fædd | 25. desember 1985 Tsjernígov, úkraínska sovétlýðveldinu, Sovétríkjunum (nú Tsjerníhív, Úkraínu) |
| Þjóðerni | Úkraínsk |
| Stjórnmálaflokkur | Óflokksbundin |
| Háskóli | Verslunar- og hagfræðiskólinn í Kænugarði |
Júlía Anatolíjívna Svyrydenko (úkraínska: Юлія Анатоліївна Свириденко; f. 25. desember 1985) er úkraínsk stjórnmálakona og núverandi forsætisráðherra Úkraínu. Hún var fyrsti aðstoðarforsætisráðherra og efnahagsþróunar- og verslunarmálaráðherra Úkraínu frá 4. nóvember 2021 til 17. júlí 2025.[1]
Þann 14. júlí 2025 stakk Volodymyr Zelenskyj forseti upp á því að Svyrydenko yrði falið að mynda ríkisstjórn og að hún tæki við af Denys Sjmyhal sem forsætisráðherra.[2] Úkraínska þingið samþykkti tilnefningu hennar þremur dögum síðar.[3]
Menntun
[breyta | breyta frumkóða]Svyrydenko útskrifaðist frá Verslunar- og hagfræðiskólanum í Kænugarði árið 2008 með gráðu í viðskiptastjórnun gegn einokun.[1]
Starfsferill
[breyta | breyta frumkóða]Svyrydenko hóf starfsferil sinn árið 2008 sem hagfræðingur hjá úkraínsk-andorrska fyrirtækinu JSC "AMP".[4]
Árið 2011 varð hún fastafulltrúi Tsjerníhív í borginni Wuxi. Þetta var eina umboðsskrifstofa úkraínskrar borgar í Kína.[5] Árið 2015 varð hún formaður efnahagsþróunardeildar Tsjerníhívfylkis.[6]
Frá 30. júlí til 28. nóvember 2018 var hún starfandi formaður stjórnsýslu ríkisins í Tsjerníhívfylki. Þann 5. maí 2020 skipaði Volodymyr Zelenskyj forseti Úkraínu Svyrydenko fulltrúa Úkraínu í undirhóp um samfélagsleg og efnahagsleg málefni í þríhliða samskiptahóp til að leysa úr átökunum í Donbas (Úkraína - Öryggis- og samvinnustofnun Evrópu - Rússland). Þann 22. desember 2020 skipaði Zelenskyj Svyrydenko aðstoðarformann skrifstofu forsetaembættisins í stað Júlíu Kovalív.[7]
Þann 4. nóvember 2021 útnefndi úkraínska þingið (Verkhovna Rada) Svyrydenko fyrsta aðstoðarforsætisráðherra og efnahagsþróunar- og verslunarmálaráðherra Úkraínu. 256 þingmenn kusu með útnefningu hennar.[8]
Í ágúst 2022 heimilaði ríkisstjórnin Svyrydenko að leiða starfshóp þvert á stofnanir um framkvæmd efnahagsþvingana.[9] Hún samdi við önnur ríki um herðingu efnahagsþvingana gegn Rússlandi, sér í lagi við fulltrúa frá Bretlandi.[10]
Þann 14. júlí 2025 tilkynnti Zelenskyj uppstokkun í ríkisstjórninni og tilnefndi Svyrydenko nýjan forsætisráðherra.[11] Tilnefning hennar var samþykkt af úkraínska þinginu 17. júlí.[3]
Viðurkenningar
[breyta | breyta frumkóða]Júlía Svyrydenko birtist á lista í tölublaði tímaritsins Time 13. september 2023, þar sem henni var lýst sem „táknrænni fyrir seiglu úkraínsku þjóðarinnar“ (í tengslum við innrás Rússa í Úkraínu).[12]
Tilvísanir
[breyta | breyta frumkóða]- 1 2 Rada appoints Svyrydenko as First Deputy PM, Economy Minister, Interfax-Ukraine (4. nóvember 2021)
- ↑ „Zelenskyy proposes Deputy Prime Minister Svyrydenko to head Ukrainian government“. Ukrainska Pravda (enska). Sótt 14 júlí 2025.
- 1 2 Denysiaka, Olha (17 júlí 2025). „Рада призначила Свириденко прем'єр-міністеркою [Rada appointed Svyrydenko as Prime Minister]“. hromadske (úkraínska). Sótt 17 júlí 2025.
- ↑ „Свириденко Юлія Анатоліївна — АГРОПОЛІТ“. Afrit af upprunalegu geymt þann 14 ágúst 2020. Sótt 4 júlí 2025.
- ↑ „Свириденко Юлія Анатоліївна — АГРОПОЛІТ“. Afrit af upprunalegu geymt þann 14 ágúst 2020. Sótt 4 júlí 2025.
- ↑ „Свириденко Юлія Анатоліївна — АГРОПОЛІТ“. Afrit af upprunalegu geymt þann 14 ágúst 2020. Sótt 4 júlí 2025.
- ↑ Zelenskyy appoints Svyrydenko Deputy Head of Presidential Office to Replace Kovaliv Geymt 14 janúar 2021 í Wayback Machine, Ukrainian News Agency (22. desember 2020)
- ↑ Rada appoints Svyrydenko as first deputy prime minister, economy minister, Kyiv Post (4 November 2021)
- ↑ „Кабінет Міністрів України - Уряд уповноважив Міністра економіки України Юлію Свириденко координувати роботу з санкційної політики“. www.kmu.gov.ua (úkraínska). Sótt 2 janúar 2023.
- ↑ „Україна та Велика Британія посилять координацію в питаннях запровадження санкцій“.
- ↑ „BREAKING: Zelensky announces next prime minister, launches government reshuffle“. The Kyiv Independent. 14 júlí 2025. Sótt 14 júlí 2025.
- ↑ „TIME100 Next“. Time. 16. september 2023. Afrit af uppruna á 13. september 2023. Sótt 16. september 2023.
| Fyrirrennari: Denys Sjmyhal |
|
Eftirmaður: Enn í embætti | |||