Fara í innihald

Inga Ruginienė

Úr Wikipediu, frjálsa alfræðiritinu
Inga Ruginienė
Ruginienė árið 2025.
Forsætisráðherra Litáens
Núverandi
Tók við embætti
25. september 2025
ForsetiGitanas Nausėda
ForveriRimantas Šadžius (starfandi)
Gintautas Paluckas
Persónulegar upplýsingar
Fædd24. maí 1981 (1981-05-24) (44 ára)
Trakai, litáíska sovétlýðveldinu, Sovétríkjunum
ÞjóðerniLitáísk
StjórnmálaflokkurJafnaðarmannaflokkurinn (2024–)[1]
MakiVismantas Ruginis[2]
Börn2
HáskóliMykolas Romeris-háskóli
Háskólinn í Vilníus

Inga Ruginienė (f. Raitelaitytė; 24. maí 1981) er litáísk stjórnmálakona og verkalýðsforingi sem hefur verið forsætisráðherra Litáens frá 25. september 2025. Hún er meðlimur í Jafnaðarmannaflokki Litáens (LSDP) og hefur setið á litáíska þinginu (Seimas) frá 2024. Hún var almannatrygginga- og vinnumarkaðsráðherra áður en hún varð forsætisráðherra.

Ruginienė gekk í LSDP árið 2024 til að bjóða sig fram í þingkosningum það ár. Hún var kjörin á litáíska þingið í nóvember 2024 og varð almannatrygginga- og vinnumarkaðsráðherra í ríkisstjórn Gintautas Paluckas. Paluckas sagði af sér í ágúst 2025 vegna fjármálahneykslis og LSDP tilnefndi Ruginienė í embætti forsætisráðherra tveimur dögum síðar. Tilnefning hennar var staðfest af þingi þann 26. ágúst.

Æviágrip

[breyta | breyta frumkóða]

Inga Ruginienė fæddist í Trakai 24. maí 1981.[3][4] Hún ólst upp í Grigiškės en dvaldi gjarnan í borginni Kramatorsk í austurhluta Úkraínu á sumrin.[5][6] Árið 1999 útskrifaðist hún frá Šviesa-gagnfræðaskólanum(lt) í Grigiškės.[7]

Árið 2005 útskrifaðist Ruginienė með mastersgráðu í lýðheilsufræði frá Háskólanum í Vilníus.[3][4] Hún vann sem sérfræðingur í lýðheilsu við umhverfisheilbrigðisstofnun ríkisins frá 2005 til 2008.[3][4] Ruginienė vann sem svæðisstjóri fyrirtækisins „S Stata“ á Vilníus-borgarsvæðinu frá 2008 til 2010.[3][4]

Ruginienė var varaformaður sambands stéttarfélaga skógræktar- og tréverkamanna frá 2012 til 2014 og formaður þess frá 2014 til 2018.[3][4] Árið 2015 hlaut Ruginienė bakkalársgráðu í skógrækt frá Skógræktar- og umhverfisverkfræðiháskólanum í Kaunas(lt).[4] Hún var jafnframt formaður sambands litáískra stéttarfélaga frá 2018 til 2024.[3][4] Árið 2022 hlaut hún mastersgráðu í vinnurétti frá Mykolas Romeris-háskólanum.[3][4] Hún var varaforseti sambands evrópskra stéttarfélaga frá 2023 til 2024.[3][4]

Ruginienė hóf þátttöku í stjórnmálum með framboði sínu í þingkosningum Litáens árið 2024.[8][3][4] Hún hlaut sæti á kosningalista litáíska Jafnaðarmannaflokksins (LSDP) þrátt fyrir að vera ekki skráð í flokkinn þegar kosningarnar voru haldnar.[8][9][10] Þrátt fyrir að lenda í sjötta sæti í einmenningskjördæmi sínu[11] vann hún sæti á litáíska þinginu (Seimas) í ljósi sætis síns á kosningalista flokksins.[12] Hún gekk formlega í LSDP í nóvember 2024, eftir kosningarnar.[9]

Eftir sigur Jafnaðarmanna í þingkosningunum varð Ruginienė almannatrygginga- og vinnumarkaðsráðherra.[13] Hún sat í ríkisstjórn Gintautas Paluckas frá 12. desember 2024 þar til stjórnin sprakk 4. ágúst 2025. Eftir að stjórnin var leyst var Ruginienė settur ráðherra.[14][15][16]

Á þingi sat Ruginienė í þingnefnd um mannréttindamál.[17] Hún hafði einnig verið varaformaður þinghóps um skógarvernd og meðlimur í þinghópum gegn fjöldainnflutningi og hópi um málefni kvenna.[4]

Þann 6. ágúst 2024 tilnefndi Jafnaðarmannaflokkurinn Ruginienė í embætti forsætisráðherra Litáens.[18] Tilnefningin var samþykkt þann 26. ágúst.[13] Þann 25. ágúst 2025 samþykkti þingið með 80 atkvæðum gegn 42 staðfestingu samsteypustjórnar Jafnaðarmannaflokksins með Ruginienė sem forsætisráðherra.[19][20]

Tilvísanir

[breyta | breyta frumkóða]
  1. ↑ Andrulytė, Toma (6 ágúst 2025). „Paaiškėjo, ką kandidatu į premjerus išrinko LSDP“. TV3.lt (litháíska).
  2. ↑ Deveikis, Jonas (6 ágúst 2025). „Kiek turto turi Ruginienė ir kokius verslus valdo jos vyras“. LRT.lt (litháíska).
  3. 1 2 3 4 5 6 7 8 9 „2024 parliamentary elections. Candidate biography: Inga RUGINIENĖ“ (litháíska). Central Electoral Commission. 2024.
  4. 1 2 3 4 5 6 7 8 9 10 11 „Inga Ruginienė“. Seimas (litháíska). Sótt 7 ágúst 2025.
  5. ↑ Liubertaitė, Agnė (9 ágúst 2025). „Lrytas apsilankė Grigiškėse, kur augo ir gyvena I. Ruginienė: ką apie ją sako gyventojai?“. Lrytas.lt (litháíska).
  6. ↑ Jakučionis, Saulius (7 ágúst 2025). „Lithuanian PM candidate Ruginienė addresses past trips to Russia, family ties to Ukraine“. LRT.lt (enska).
  7. ↑ Griežė, Dominykas (8 ágúst 2025). „Įdomios I. Ruginienės biografijos detalės: kas buvo jos tėvas ir kokią mokyklą baigė“. Alfa.lt (litháíska).
  8. 1 2 Lyberytė, Augustė (15 júní 2024). „Profsąjungų vadovė Ruginienė kartu su LSDP kandidatuos į Seimą“. LRT.lt (litháíska).
  9. 1 2 Lėka, Aušra (8 ágúst 2025). „LSDP – už nepatyrusią, bet populiarią lyderę“. Kauno Diena (litháíska).
  10. ↑ Dobrovolskas, Ignas (16 nóvember 2024). „Potencialia ministre įvardijama I. Ruginienė: keturių darbo dienų savaitė – neišvengiama (interviu)“. diena.lt (litháíska).
  11. ↑ „2024 m. spalio 13 d. Lietuvos Respublikos Seimo rinkimai (I turas)“. Central Electoral Commission. 2024.
  12. ↑ „Išrinkti Lietuvos Respublikos Seimo nariais 2024–2028“ (litháíska). Yfirkjörstjórn. 2024.
  13. 1 2 „Trade union veteran becomes new Lithuanian PM“. Politico Europe.
  14. ↑ „Ruginienė: tikiu, kad darbais ir savo pasiryžimu galėsiu nuneigti bet kokias abejones“. LRT.lt (litháíska). 5 ágúst 2025.
  15. ↑ „Pradžia“ (litháíska). Almannatrygginga- og vinnumarkaðsráðuneytið. Afrit af upprunalegu geymt þann 6 ágúst 2025.
  16. ↑ Gaidamavičius, Giedrius (13 ágúst 2025). „I. Ruginienė ketina skirti dėmesį socialiniams reikalams, sveikatos paslaugoms, biudžetui“. Bernardinai.lt (litháíska).
  17. ↑ „Žmogaus teisių komitetas - Komiteto nariai“. Seimas (litháíska). Sótt 7 ágúst 2025.
  18. ↑ Jakučionis, Saulius (6 ágúst 2025). „Lithuania's Social Democrats nominate former trade unionist Ruginienė for prime minister“. LRT.lt (enska).
  19. ↑ „Lithuania appoints pro-Ukraine government“. The Straits Times. Agence France-Presse. 25. september 2025. Sótt 26. september 2025.
  20. ↑ Sytas, Andrius (25. september 2025). „Ruginiene becomes Lithuania's prime minister, pledges more defence spending“. Reuters. Sótt 26. september 2025.


Fyrirrennari:
Rimantas Šadžius
(starfandi)
Forsætisráðherra Litáens
(25. september 2025 –)
 Eftirmaður:
Enn í embætti


  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.
Sótt frá „https://is.wikipedia.org/w/index.php?title=Inga_Ruginienė&oldid=1930885“