Indlandshafsverslunin
Indlandshafsverslunin eru verslunarleiðir um Indlandshaf sem hafa verið stundaðar reglulega frá bronsöld. Verslunarleiðirnar ná frá Suðaustur-Asíu í austri til Rauðahafs í vestri. Fornleifar benda til þess að þessar verslunarleiðir hafi tengt Egyptaland hið forna við Suður-Asíu frá 2. árþúsundinu f.o.t.[1] Sumir hafa haldið fram tengslum milli Indusdalsmenningarinnar og Austur-Afríku.[2][1] Ástrónesar hófu reglulegar siglingar á bátum með flotholt til Srí Lanka og Suður-Indlands frá um 1500 f.o.t.[3] Þeir versluðu með kókoshnetur, sandalvið, banana, sykurreyr, negul og múskat. Indlandshafsverslunin var sérstaklega mikilvæg fyrir alþjóðlega kryddverslun. Þessi verslunarleið tengdi líka meginland Kína við Indlandsskaga. Á 3. öld f.o.t. náðu þessar verslunarleiðir austur til Japans. Ástrónesar námu land á Madagaskar einhvern tíma á milli 350 f.o.t. og 550 e.o.t.[4] Á helleníska tímanum voru helstu hafnirnar vestan megin Bereníke í Rauðahafi og Spasinú Karax í Persaflóa. Eftir landvinninga múslima breiddist íslam út á verslunarleiðinni til Svahílístrandarinnar og Indónesíu. Á 15. öld tókst Portúgölum að sigla suður fyrir Afríku og allt til Indlands. Í kjölfarið komu Hollendingar og Englendingar sem stofnuðu nýjar verslunarhafnir og Hollenska Austur-Indíafélagið og Breska Austur-Indíafélagið lögðu verslunina undir sig.
Tilvísanir
[breyta | breyta frumkóða]- 1 2 Scott, Ashley; Power, Robert C.; Altmann-Wendling, Victoria; Artzy, Michal; Martin, Mario A. S.; Eisenmann, Stefanie; Hagan, Richard; Salazar-García, Domingo C.; Salmon, Yossi; Yegorov, Dmitry; Milevski, Ianir (17. desember 2020). „Exotic foods reveal contact between South Asia and the Near East during the second millennium BCE“. Proceedings of the National Academy of Sciences (enska). 118 (2): e2014956117. Bibcode:2021PNAS..11814956S. doi:10.1073/pnas.2014956117. hdl:10550/76877. ISSN 0027-8424. PMC 7812755. PMID 33419922.
- ↑ Possehl, Gregory L. (4 júlí 2012). „Were There Commercial Communications between Prehistoric Harappans and African Populations?“. Scientific Research. 2: 169–180.
- ↑ Manguin, Pierre-Yves (2016). „Austronesian Shipping in the Indian Ocean: From Outrigger Boats to Trading Ships“. Í Campbell, Gwyn (ritstjóri). Early Exchange between Africa and the Wider Indian Ocean World. Palgrave Macmillan. bls. 51–76. ISBN 9783319338224.
- ↑ Crowley, B.E. (2010). „A refined chronology of prehistoric Madagascar and the demise of the megafauna“. Quaternary Science Reviews. 29 (19–20): 2591–2603. Bibcode:2010QSRv...29.2591C. doi:10.1016/j.quascirev.2010.06.030.
