Hvítárbrú (Borgarfirði)
Hvítárbrú í Borgarfirði er einbreið bogalaga steinsteypt brú sem var opnuð fyrir umferð 1. nóvember árið 1928. Hún liggur yfir Hvítá, milli bæjanna Ferjukots og Hvítárvalla, og er 106 metrar að lengd.[1] Hvítárbrú var hluti Hringvegarins þar til Borgarfjarðarbrúin var opnuð árið 1981.
Brúin var hönnuð af Árna Pálssyni, verkfræðingi. Tryggvi Þórhallsson, forsætisráðherra var við opnunina og klippti eiginkona hans, Anna Guðrún, á streng við opnunina.
Tilvísanir
[breyta | breyta frumkóða]- ↑ „Hvítárbrúin vígð í gær“. Morgunblaðið. 2. nóvember 1928.