Hringadróttinssaga (kvikmyndaröð)

Hluti af leikmyndinni nálægt Matamata á Nýja-Sjálandi.

Hringadróttinssaga (enska: The Lord of the Rings) er þríleikur ævintýramynda eftir nýsjálenska leikstjórann Peter Jackson. Myndirnar byggjast á skáldsögu enska rithöfundarins J. R. R. Tolkien, Hringadróttinssögu frá 1954-1955. Líkt og bókin kom út í þremur bindum, eru myndirnar þrjár: Hringadróttinssaga: Föruneyti hringsins (2001), Hringadróttinssaga: Tveggja turna tal (2002) og Hringadróttinssaga: Hilmir snýr heim (2003). Aðalframleiðandi myndanna var New Line Cinema í samstarfi við fyrirtæki Jacksons, WingNut Films. Aðalleikarar myndanna þriggja voru Elijah Wood sem Fróði Baggi, Ian McKellen sem Gandálfur, Liv Tyler sem Arven, Viggo Mortensen sem Aragorn, Sean Astin sem Sómi Gamban, Cate Blanchett sem Galadríel, John Rhys-Davies sem Gimli, Christopher Lee sem Sarúman, Billy Boyd sem Pípinn Tóki, Dominic Monaghan sem Kátur Brúnbukkur, Orlando Bloom sem Legolas, Hugo Weaving sem Elrond, Andy Serkis sem Gollrir, og Sean Bean sem Borómír.

Myndirnar þrjár voru kvikmyndaðar samhliða á tökustöðum í Nýja-Sjálandi milli 1999 og 2000, með aukatökur frá 2001 til 2003. Á þeim tíma var þetta eitt dýrasta kvikmyndaverkefni allra tíma með 281 milljón dala fjármögnun. Fyrsta myndin var frumsýnd í Odeon Leicester Square í London 10. desember 2001, önnur myndin í Ziegfeld Theatre í New York-borg 5. desember 2002, og þriðja myndin í Embassy Theatre í Wellington 1. desember 2003.

Tilvísanir

  Þessi grein er stubbur. Þú getur hjálpað til með því að bæta við greinina.