Hreyfill (leigubílastöð)

Hreyfill samvinnufélag er íslensk leigubílastöð sem tók til starfa 11. nóvember 1943.

Félagið var stofnað í Baðstofu iðnaðarmanna við Vonarstræti í Reykjavík en þar voru samankomnir sjötíu bílstjórar. Félagið var lengi til húsa við Kalkofnsveg í Reykjavík en árið 1971 flutti félagið í nýtt húsnæði á horni Fellsmúla og Grensásvegs í Reykjavík og þar er félagið enn til húsa.

Á sjötta áratug síðustu aldar var stöðin talstöðvarvædd og árið 1998 urðu allir bílar stöðvarinnar tölvuvæddir. Um áramótin 2000/2001 sameinaðist Hreyfill leigubílastöðinni Bæjarleiðir.