Hollenska heimsveldið
Hollenska heimsveldið eða hollenska nýlenduveldið er heiti á nýlendum og verslunarstöðum Hollendinga frá því snemma á 17. öld fram á seinni hluta 20. aldar, þar með talið þeirra sem hollensku verslunarfélögin, Hollenska Austur-Indíafélagið (1602–1799) og Hollenska Vestur-Indíafélagið (1621–1792), stofnuðu. Hollenska lýðveldið tók við stjórn þessara nýlenda undir lok 18. aldar. Á hátindi sínum árið 1652 náði hollenska nýlenduveldið yfir svæði í Norður-Ameríku, Karíbahafi, Suður-Ameríku, Vestur-Afríku, Sunnanverðri Afríku, Indlandi, Srí Lanka, Indónesíu, Japan og Taívan. Gullöld Hollands á 17. öld byggðist á alþjóðlegri verslun þessara félaga og velmegun sem hún skapaði í Hollandi.[1] Uppgangur Breska heimsveldisins og Franska heimsveldisins dró úr valdi Hollendinga á úthöfunum og undir það síðasta voru nánast bara Hollenska Gvæjana (nú Súrínam) og Hollensku Austur-Indíur (nú Indónesía) eftir. Þær fengu sjálfstæði eftir síðari heimsstyrjöld. Það eina sem enn er eftir af hollenska nýlenduveldinu eru hollensku yfirráðasvæðin í Karíbahafi; heimastjórnarsvæðin Arúba, Curaçao og Sint Maarten; og sveitarfélögin Bonaire, Sint Eustatius og Saba.[2]
Tilvísanir
[breyta | breyta frumkóða]- ↑ Findlay, Ronald; O'Rourke, Kevin H. (2003). „Commodity Market Integration, 1500–2000“ (PDF). Í Bordo, Michael D.; Taylor, Alan M.; Williamson, Jeffrey G. (ritstjórar). Globalization in Historical Perspective. University of Chicago Press. bls. 13–64. ISBN 0-226-06598-7. Afrit (PDF) af uppruna á 4 október 2018. Sótt 9. mars 2018.
- ↑ „Netherlands Antilles to cease to exist as a country“. NRC. Amsterdam. 1 október 2009. Afrit af upprunalegu geymt þann 2 október 2009. Sótt 10 október 2010.
