Fara í innihald

Hin dýrmæta perla

Úr Wikipediu, frjálsa alfræðiritinu
Trérista sem var notuð sem myndskreyting við fyrstu útgáfu af Hinni dýrmætu perlu 1852
Trérista sem var notuð sem myndskreyting við fyrstu útgáfu af Hinni dýrmætu perlu 1852

Hin dýrmæta perla er bók sem Kirkja Jesú Krists hinna síðari daga heilögu og nokkrar aðrar mormónakirkjur telja vera heilagt rit. Auk Hinnar dýrmætu perlu eru Biblían, Mormónsbók og Kenning og sáttmálar heilög rit í Kirkju Jesú Krists hinna síðari daga heilögu.

Bókin inniheldur fimm bækur sem Joseph Smith skrifaði eða samdi og gaf út: Bók Abrahams, Mósebók, Joseph Smith-Matteus, Sögu Josephs Smith og Trúargreinarnar.

Textarnir í bókinni voru fyrist birtir í tímaritum Mormónakirkjunar á tímum Josephs Smith. Í heild voru textarnir fyrist gefnir út undir nafninu „Hin dýrmæta perla“,árið 1851 af Franklin D. Richards sem var forseti breska mormónatrúboðsins. Árið 1878 voru hlutar úr Mósebók Joseph Smiths bætt við sem ekki voru í fyrstu útgáfunni.

Núverandi innihald bókarinnar:

[breyta | breyta frumkóða]

1. Úrval úr Mósebók. Þetta er nefnt þýðingar Josephs Smith á Biblíunni, sem hann hóf í júní 1830. Hans þýðingar eru þó ekki úr öðrum tungumálum heldur eru opinberanir Smiths um leiðréttingar á biblíunni.

Fyrsti hluti þessarar Mósebókar hefst með „Opinberunum Móse“, sem er formáli að sögu sköpunar og falls mannsins (sem samsvarar 1. kafla Mósebókar í Biblíunni), og heldur áfram með endurskoðun Smiths á fyrstu sex köflum 1. Mósebókar (2.–5. og 8. kaflar Mósebókar), með tveggja kafla viðbót með „útdrætti úr spádómi Enoks“ (6.–7. kaflar Mósebókar Smiths).

2. Bók Abrahams. Abrahamsbók inniheldur texta frá árinu 1835 sem Smith fullyrti að væri innblásin þýðing úr egypskum papýrushandritum keyptum af ferðasýningu á múmíum. Samkvæmt Smith var bókin „þýðing á nokkrum fornum heimildum ... sem gáfu sig út fyrir að vera rit Abrahams, meðan hann var í Egyptalandi, kölluð Bók Abrahams, skrifuð af honum sjálfum.“ Nokkrar mormónakirkjur viðurkenna ekki Abrahamsbók sem heilagan texta.

Allt frá því að Bók Abrahams var gefin út í fyrsta sinn hefur hún verið umdeild. Margir sérfræðingar í fornegypskum híeróglýfrum sem ekki voru mormónar gagnrýndu þýðingu Josephs Smith. Lengi var talið var að papýrusinn og múmíurnar höfðu glatast í Chicago-brunanum árið 1871, en 11 bútar af papýrusinum fundust árið 1966 á New York Metropolitan Museum of Art og þeir komust í eigu Kirkju Jesú Krists hinna síðari daga heilögu.[1][2] Papýrusinn hefur verið mikið rannsakaður og margar þýðingar hafa verið gerðar frá 1968, bæði af fræðimönnum sem eru mormónatrúar og öðrum sem ekki eru það. Þar á meðal Michael D. Rhodes[3], John Gee,[4] og Robert K. Ritner.[5] Allir þessir fræðimenn eru sammála um að meint þýðing Josephs Smith, stangist algjörlega á textann á papýrusinum.[6] Meðal annars eru þar engar tilvísanir til eða nafn ættföðurins Abrahams.[7]

3. Matteus. Inniheldur endurskoðun og viðbætur Smiths á Matteusarguðspjalli 23:39 og öllum 24. kafla Matteusarguðspjalls. Textinn fjallar aðallega um spádóm Jesú um komandi eyðileggingu Jerúsalem og þær hörmungar sem munu eiga sér stað fyrir endurkomu hans. Textinn inniheldur verulegar breytingar og viðbætur við upprunalega biblíutextann.

4. Saga Joseph Smith. Ágrip af opinberunum og sögu Josephs Smith, sem hann og ritarar hans skrifuðu á árunum 1838–1839 og birtist í tímaritum 1842.

5. Trúargrundvöllur Kirkju Jesú Krists hinna Síðari daga heilögu. Yfirlýsing Josephs Smith, sem birtist í tímaritinu Times and Seasons 1. mars 1842, með ágripi af sögu kirkjunnar, sem er þekkt sem Wentworth-bréfið.

Trúaratriðin

[breyta | breyta frumkóða]

1. Vér trúum á Guð, hinn eilífa föður, og á son hans, Jesú Krist, og á heilagan anda.

2. Vér trúum, að mönnum verði refsað fyrir eigin syndir, en ekki fyrir brot Adams.

3. Vér trúum, að fyrir friðþægingu Krists geti allir menn orðið hólpnir með hlýðni við lögmál og helgiathafnir fagnaðarerindisins.

4. Vér trúum, að frumreglur og helgiathafnir fagnaðarerindisins séu: Í fyrsta lagi trú á Drottin Jesú Krist; í öðru lagi iðrun; í þriðja lagi skírn með niðurdýfingu til fyrirgefningar synda; í fjórða lagi handayfirlagning til veitingar á gjöf heilags anda.

5. Vér trúum, að maður verði að vera kallaður af Guði með spádómi og með handayfirlagningu þeirra sem vald hafa, til að prédika fagnaðarerindið og framkvæma helgiathafnir þess.

6. Vér höfum trú á sama skipulagi og var í frumkirkjunni, það er postulum, spámönnum, hirðum, fræðurum, guðspjallamönnum og svo framvegis.

7. Vér höfum trú á gjöf til að tala tungum, gjöf spádóma, opinberana, sýna, lækninga, túlkunar tungna og svo framvegis.

8. Vér trúum, að Biblían sé orð Guðs, að svo miklu leyti sem hún er rétt þýdd. Vér trúum einnig, að Mormónsbók sé orð Guðs.

9. Vér trúum öllu, sem Guð hefur opinberað, öllu, sem hann nú opinberar, og vér trúum að hann muni enn opinbera margt stórfenglegt og mikilvægt varðandi Guðs ríki.

10. Vér höfum trú á hinni raunverulegu samansöfnun Ísraels og endurreisn hinna tíu kynkvísla; að Síon (Nýja Jerúsalem) verði reist á meginlandi Ameríku, að Kristur muni sjálfur ríkja hér á jörðu og að jörðin verði endurnýjuð og hljóti paradísardýrð sína.

11. Vér krefjumst þeirra réttinda að fá að tilbiðja almáttugan Guð, eftir því sem eigin samviska býður, og viðurkennum sömu réttindi til handa öllum mönnum. Lofum þeim að tilbiðja, hvernig, hvar eða hvað, sem þeim þóknast.

12. Vér höfum trú á að lúta konungum, forsetum, stjórnendum og yfirvöldum með því að hlýða lögunum, virða þau og styðja.

13. Vér trúum, að vér eigum að vera heiðvirð, sönn, skírlíf, góðgjörn, dyggðug og gjöra öllum mönnum gott. Vér getum í sannleika sagt, að vér förum eftir áminningu Páls: Vér trúum öllu, vér vonum allt, vér höfum staðist margt og vér vonumst til þess að geta staðist allt. Sé eitthvað dyggðugt, fagurt, háleitt eða lofsvert, þá sækjumst vér eftir því.

Tilvísanir

[breyta | breyta frumkóða]
  1. ↑ Wade, Glen; Tolk, Norman; Travers, Lynn; Smith, George D; Graves, F. Charles (1967). The Facsimile Found. Dialogue: A Journal of Mormon Thought. 2 (4):. bls. 51–64.
  2. ↑ Ritner, Robert K. (2013). The Joseph Smith Egyptian Papyri: A Complete Edition. Signature Books. ISBN 9781560852209.
  3. ↑ Rhodes, Michael (2005). The Hor Book of Breathings: A Translation and Commentary. Brigham Young University. ISBN 9780934893633.
  4. ↑ Gee, John (1999). The Ancient Owners of the Joseph Smith Papyri. Book of Mormon Central. Foundation for Ancient Research and Mormon Studies.
  5. ↑ Ritner, Robert K. (júlí 2003). The Breathing Permit of Hôr' Among the Joseph Smith Papyri. Journal of Near Eastern Studies. 62 (3):. bls. 161–180.
  6. ↑ Larson, Charles M. (1992). By His Own Hand Upon Papyrus. Institute of Religious Research. ISBN 9780962096327.
  7. ↑ Ashment, Edward H. (2000). Joseph Smith's Identification of "Abraham" in Papyrus JS1, the Breathing Permit of Hor (PDF). Dialogue: A Journal of Mormon Thought. 33 (4):. bls. 121–126.

Heimildir

[breyta | breyta frumkóða]
  • Givens, Terryl; Hauglid, Brian (2019), The Pearl of Greatest Price: Mormonism's Most Controversial Scripture, Oxford University Press, ISBN 9780190603861
  • Baldridge, Kenneth W. (1992), "Pearl of Great Price", in Ludlow, Daniel H (ed.), Encyclopedia of Mormonism, New York: Macmillan Publishing, pp. 1070–1072, ISBN 0-02-879602-0, OCLC 24502140
  • Shipps, Jan (1987-01-01). Mormonism: The Story of a New Religious Tradition. University of Illinois Press. ISBN 0-252-01417-0.
  • Williams, Drew (2003-06-03). The Complete Idiot's Guide to Understanding Mormonism. Alpha. ISBN 0-02-864491-3.
Sótt frá „https://is.wikipedia.org/w/index.php?title=Hin_dýrmæta_perla&oldid=1944152“