Heklugos árið 1980

Gosið.

Heklugos hófst 17. ágúst árið 1980. Sprunga opnaðist sem var 6 kílómetra löng á sama stað og í Heklugosinu árið 1947. Breskur jarðfræðistúdent var við fjallið ásamt félaga sínum þegar það gaus og átti fótum fjör að launa meðan hann flýði gjall og hraunmola. Flúormagn í grassýnum mældist yfir hættumörkum úr ösku gossins og varð vart við öskufall í afréttum Skagafjarðar. Gosið stóð aðeins í 3 daga.

Gos hófst á ný þann 9. apríl 1981 og var það talið framhald gossins sem hófst 1980. Það stóð í um viku og gaus úr tveimur gígum ofarlega á fjallinu.

Eldgos í Heklu 1104 — 1158 — 1206 — 1222 — 1300 — 1341 — 1389 — 1510 — 1597 — 1636 — 1693 — 1766 — 1845 — 1947 — 1970 — 1980 — 1991 — 2000

Tengill

• Tephrabase.org