Hekla (bílaumboð)
| Hekla | |
| Rekstrarform | Bílaumboð |
|---|---|
| Stofnað | 1933 |
| Stofnandi | Sigfús Bjarnason |
| Staðsetning | Laugavegur 174 |
| Lykilpersónur | Friðbert Friðbertsson, eigandi og forstjóri |
| Vefsíða | hekla.is |
Hekla er íslenskt bílaumboð sem selur og þjónustar nýja bíla ásamt því að reka notaða bílasölu.
Hekla selur og þjónustar nýja bíla frá bílaframleiðendunum Volkswagen, Audi, Skoda, Mitsubishi og ORA.
Saga
[breyta | breyta frumkóða]Sigfús Bergmann Bjarnason og Magnús Víglundsson stofnuðu heildverslunina Heklu árið 1933 og fluttu inn ávexti frá Spáni. Sigfús keypti hlut Magnúsar í fyrirtækinu eftir stutt samstarf. Árið 1947 stofnaði Sigfús dótturfyrirtækið Raftækjaverslunina Heklu og 1952 stofnaði hann annað dótturfyrirtæki, bílaumboðið P. Stefánsson hf sem flutti inn bíla af gerðinni Land Rover og Range Rover ásamt öðrum breskum bílum. Árið 1952 hóf Sigfús innflutning á Volkswagen. Árið 1970 hófst innflutningur á Audi bifreiðum. Árið 1979 hóf P. Stefánsson innflutning á Mitsubishi en ári seinna voru Hekla og P. Stefánsson sameinuð. Árið 1998 hóf Hekla að flytja inn Skoda. Árið 2004 var systurfyrirtækið Askja stofnað til að flytja inn Kia og Mercedes en Askja var síðan selt útúr Heklu í kjölfar hrunsins.[1][2][3]
Tenglar
[breyta | breyta frumkóða]Tilvísanir
[breyta | breyta frumkóða]- ↑ „Minning Sigfús Bjarnason Forstjóri“. Tíminn. 26. september 1967. Sótt 12. nóvember 2025.
- ↑ Pétur. R. Pétursson (16. júní 2022). „Nokkur gömul íslensk bílaumboð“. bilablogg.is. Sótt 12. nóvember 2025.
- ↑ Jóhannes Reykdal (26. nóvember 2022). „Sigfús Bjarnason og upphaf Heklu“. bilablogg.is. Sótt 12. nóvember 2025.
