Húsmæðraskólinn Ósk

Húsnæði skólans við Austurveg.

Húsmæðraskólinn Ósk var hússtjórnarskóli á Ísafirði sem stofnaður var árið 1912. Skólinn var rekinn sem sjálfstæð stofnun af Kvenfélaginu Ósk til ársins 1941 en það ár samþykkti Alþingi lög þar sem kveðið var á um að bæjarstjórnir skyldu taka að sér rekstur húsmæðraskóla.

Skólinn var lengi vel staðsettur í Pólgötu 8 en árið 1944 var honum úthlutað lóð við Austurveg. Nýtt hús, teiknað af Guðjóni Samúelssyni, var reist þar og opnað 5. október 1948.

Húsmæðraskólinn sameinaðist Menntaskólanum á Ísafirði ásamt Iðnskóla Ísafjarðar árið 1990.