Hörður Kristinsson
Hörður Kristinsson (f. 29. nóvember 1937 á Akureyri, d. 22. júní 2023) [1] var íslenskur grasafræðingur. Hann lauk doktorsprófi í grasafræði frá háskólanum í Göttingen árið 1966. Hörður var prófessor í grasafræði við Háskóla Íslands um tíma og síðar forstöðumaður Náttúrufræðistofnunar á Akureyri og kom að Lystigarði Akureyrar. Hann sinnti sérfræðistörfum frá árinu 1999 og stundaði rannsóknir á íslenskum plöntum í áratugi. Hörður gaf út handbækur um íslenskar plöntur: Íslenska plöntuhandbókin – Blómplöntur og byrkningar kom fyrst út 1986 og hefur verið endurútgefin oft. Bókin Íslenskar fléttur kom út 2016. [2] Sama ár var Hörður sæmdur riddarakrossi fálkaorðunnar fyrir rannsóknir og kynningu á íslenskum gróðri. [3]
Íslensk flóra – blómplöntur og byrkningar (samvinnubók með Þóru Ellen Þórhallsdóttur grasafræðingi og listamanninum Jóni Baldri Hlíðberg) kom út 2018 og hlaut Íslensku bókmenntaverðlaunin sama ár. [4]
Tenglar
[breyta | breyta frumkóða]Tilvísanir
[breyta | breyta frumkóða]- ↑ Andlát: Hörður Kristinsson Mbl.is
- ↑ Hörður Kristinsson grasafræðingur látinn[óvirkur tengill]Náttúrufræðistofnun
- ↑ Hörður Kristinsson sæmdur riddarakrossi[óvirkur tengill] Náttúrufræðistofnun
- ↑ Hörður Kristinsson látinn[óvirkur tengill] Forlagið