Gylfi Ægisson

Gylfi Viðar Ægisson (f. 10. nóvember 1946, d. 23. júlí 2025) var íslenskur tónlistarmaður. Gylfi ólst upp á Siglufirði. Ásamt því að syngja spilaði hann á ýmis hljóðfæri; gítar, harmonikku og hljómborð. Með þekktari lögum Gylfa eru „Í sól og sumaryl“ (með hljómsveit Ingimars Eydal), „Minning um mann“, „Jibbí jei“ og „Stolt siglir fleyið mitt“. Hann gaf út tónlist frá 1972 til 2009.

Áhöfnin á Halastjörnunni var hljómsveit sem Gylfi stofnaði með Rúnari Júlíussyni árið 1980.

Sólmundur Hólm Sólmundsson ritaði ævisögu Gylfa, Sjúdírarí rei, sem kom út árið 2009.