Guðfríður Lilja Grétarsdóttir
| Guðfríður Lilja Grétarsdóttir | |||||||||
|---|---|---|---|---|---|---|---|---|---|
 | |||||||||
| Alþingismaður | |||||||||
| |||||||||
| Persónulegar upplýsingar | |||||||||
| Fædd | 10. janúar 1972 Reykjavík | ||||||||
| Maki | Steinunn H. Blöndal | ||||||||
| Börn | 2 | ||||||||
| Menntun | Sagnfræði og heimspeki | ||||||||
| Æviágrip á vef Alþingis | |||||||||
Guðfríður Lilja Grétarsdóttir (f. 1972) er fyrrum íslenskur stjórnmálamaður sem sat á Alþingi frá 2009 til 2012 fyrir Vinstri græn.
Guðfríður Lilja varð ung kunnur skákmaður og varð 13 ára íslandsmeistari kvenna í skák. Hún varð fyrst kvenna til að gegna formennsku í Skáksambandi Íslands og Skáksambandi Norðurlanda.
Hún er með BA-gráðu í sagnfræði frá Harvard og meistaragráðu í heimspeki frá Cambridge í Englandi.
Hún hóf afskipti af stjórnmálum fyrir Alþingiskosningarnar 2007 og tók þátt í forvali Vinstrihreyfingarinnar – græns framboðs sem haldið var sameiginlega fyrir allt höfuðborgarsvæðið. Þar hafnaði hún í fjórða sæti og tók í kjölfarið annað sætið á lista flokksins í Suðvesturkjördæmi. Guðfríður Lilja var varaþingmaður 2007-2009 og gegndi á sama tíma starfi framkvæmdastjóra þingflokksins.
Í febrúar 2009 tilkynnti Guðfríður Lilja um framboð sitt í forvali Vinstri grænna fyrir Alþingiskosningarnar 2009, þar sem hún stefnir á efsta sæti í suðvesturkjördæmi. Við sama tækifæri tilkynnti Ögmundur Jónasson, þingmaður flokksins í kjördæminu, að hann styddi Guðfríði Lilju í toppsætið og stefndi sjálfur á annað sæti.
Guðfríður náði kjöri á þing í alþingiskosningunum 2009 og var þingflokksformaður VG til 2011. Hún sagði skilið við stjórnmálin í árslok 2012 og sagði af sér þingmennsku.[1]
Maki Guðfríðar Lilju er Steinunn H. Blöndal, hjúkrunarfræðingur og eiga þær saman þrjú börn.
Tilvísanir
[breyta | breyta frumkóða]- ↑ „Guðríður Lilja hættir í stjórnmálum“. mbl.is. 2. nóvember 2012. Sótt 14. janúar 2026.
