Gjögurtáarviti
| Gjögurtáarviti | |
 | |
| Staðsetning | Eyjafjörður |
|---|---|
| Byggingarár | 1970 |
| Byggt af | Vita- og hafnarmálastjórn |
| Byggingarefni | Trefjaplast á steyptum grunni |
Gjögurtáarviti var sívalur 4 metra hár viti nyrst við austanverðan Eyjafjörð á hrygg sem liggur út frá fjallinu Gjögri. Vitinn stóð í 28 metra hæð og var reistur árið 1970. Áður stóð þar viti sem byggður var 1965 en eyðilagðist í gassprengingu 2. ágúst 1969 þar sem einn starfsmaður Vita- og hafnarmálastjórnar slasaðist alvarlega.[1][2]
Ljóseinkenni vitans var Fl(2)W 10s (tvö hvít blikkljós á 10 sekúndna fresti).[3]
Í júní 2025 var vitinn tekinn að halla talsvert vegna jarðvegsbreytinga og var talin hætta á að hann myndi falla í sjóinn.[2] Í nóvember sama ár var hann fallinn.[4] Menn höfðu tekið eftir því nokkru fyrr að undirstöður vitans voru ótraustar og jarðvegur var á hreyfingu. Jarðskjálftavirkni er allmikil þessum slóðum og er það líkleg skýring á því að hrunið hefur bæði úr undirstöðum vitans og úr hlíðinni þar sem hann stendur. Auk þess hefur ágangur sjávar einnig haft sín áhrif.
Tilvísanir
[breyta | breyta frumkóða]- ↑ „Blossinn skall í hakkann á mér“. Vísir. 5 ágúst 1969. Sótt 27 júní 2025 – gegnum Tímarit.is.
- 1 2 Magnús Jochum Pálsson (27 júní 2025). „Hætta á að Gjögurtáarviti falli í sjóinn“. Vísir.is. Sótt 27 júní 2025.
- ↑ Vitaskrá (PDF). Landhelgisgæsla Íslands. 2024. bls. 21.
- ↑ Atli Ísleifsson (14. nóvember 2025). „Vitinn á Gjögurtá fallinn í sjó fram“. Vísir.
